.gif)
_(1).gif)
.png)
काठमाण्डौ । राष्ट्रिय योजना आयोगको पूर्ण बैठकबाट सरकारको वार्षिक विकास कार्यक्रम र ३ वर्षे मध्यमकालीन(२०८१/८२–२०८३/८४) खर्च संरचना स्वीकृत गरेको छ ।
मंगलबार बिहान सिंहदरबारस्थित मन्त्रीपरिषद कार्यालयमा प्रधानमन्त्री पुष्पकमल दाहालको अध्यक्षतामा बसेको आयोगको पूर्ण बैठकले बजेटसँगै संसदमा पेस हुने वार्षिक कार्यक्रम तथा मध्यमकालिन खर्च संरचना समेत पारित गरेको हो ।
(1).gif)
आयोगको पूर्ण बैठकबाट स्वीकृति भएसँगै यो प्रतिवेदन अब मन्त्रीपरिषद बैठकमा पेश हुनेछ । दिउँसो १ बजे आगामी आर्थिक वर्षको बजेट पारित गर्न बस्ने मन्त्रीपरिषद बैठकले आयोगको प्रतिवेदन अनुमोदन गर्नेछ । त्यसपछि बजेटसँगै प्रतिवेदन संसदमा समेत टेबुल हुनेछ ।
आयोगका एक सदस्यकाअनुसार सरकारले ल्याउने बजेटमा वित्तीय अनुशासन कायम हुने, विनियोजन दक्षता पूर्ण रुपले पालना हुने, संस्थाहरूले गर्ने खर्चको क्षमता अनुसार नै बजेट विनियोजन गर्ने गरी सुनिश्चित गरिएको छ ।
आयोगको पूर्ण बैठकमा आयोगका अध्यक्ष तथा प्रधानमन्त्री दाहालसहित, उपाध्यक्ष डा.मीनबहादुर श्रेष्ठ, अर्थमन्त्री वर्षमान पुन, मुख्यसचिव बैकुण्ठ अर्याल, तथा आयोगका सदस्यहरु र सदस्य सचिव लगायतको सहभागिता थियो ।
.png)
.jpg)
.jpg)
.jpg)
.gif)
(1).gif)
.gif)
