.gif)
_(1).gif)
.png)
काठमाण्डौ । भारतीय सेयर बजारमा लागातार तेस्रो दिन उछाल आएको छ । आज भारतको बम्बे स्टक एक्सचेञ्जको ३० वटा कम्पनीको सेयर कारोबार हुने सेन्सेक्स इन्डेक्स हालसम्मकै उच्च विन्दुमा पुगेको छ ।
त्यस्तै नेशनल स्टक एक्सचेञ्जको निफ्टी पनि वृद्धि भएको छ । आजको कारोबारमा सेन्सेक्स इन्डेक्स १६१८ अंकको वृद्धिका साथ ७६ हजार ६९३ विन्दुमा पुग्यो । यो हालसम्मकै उच्च विन्दु हो । साथे आज निफ्टी पनि ४६८ अंकले बढेर २३ हजार २९० विन्दुमा पुग्यो ।
लोकसभा निर्वाचनको मतपरिणाम आउने दिन राजनीतिक उचारचढावका कारण गत मंगलबार भारतको सेयर बजारमा व्यापक गिरापट आएको थियो । तर त्यदिनपछि भने भारतको सेयर बजारले पुनरासगमन गर्दै नयाँ उचाई चुमेको हो ।
(1).gif)
आज सेन्सेक्सले ७५०३१.७९ विन्दुका साथ कारोबारको सुरुवात गरेको थियो । चुनावि नतिजा आउनु एकदिन अघि सेन्सेक्स इन्डेक्स अहिले सम्मकै उच्च विन्दुमा पुगेको थियो । त्यस दिन सेन्सेक्स इन्डेक्स ७६ हजार ६९३ विन्दुमा पुगेको थियो ।
आज निफ्टीमा कारोबार भएका मध्ये महिन्द्रा एण्ड महिन्द्राको सेयरमूल्य सर्वाधिक बढ्यो । यो कम्पनीको सेयरमूल्य ५.३८ प्रतिशतले बढ्यो । यससँगै कम्पनीको सेयरमूलय प्रतिकित्ता २ हजार ८४० भारु कायम भएको छ ।
त्यस्तै विप्रोको सेयरमूल्य ४.९९ र टेक महिन्द्राको सेयरमूल्य ४.१८ प्रतिशतले बढ्यो ।
.png)
.png)
(64).jpg)
.gif)
(1).gif)
.gif)
