.gif)
_(1).gif)
(2).jpg)
.png)
काठमाण्डौ । जीवन बीमा कम्पनीहरुले घातक रोग पूरक करार तयार गर्दा कम्तीमा १० वटा रोगहरु अनिवार्य रुपमा समावेश गर्नुपर्ने भएको छ । नेपाल बीमा प्राधिकरणले जीवन बीमकको घातक रोग पूरक करार सम्बन्धी मार्गदर्शन, २०८१ जारी गर्दै १० वटा घातक रोग अनिवार्य समावेश गर्न निर्देशन दिएको हो ।
प्राधिकरणका अनुसार जीवन बीमा कम्पनीहरुले विशेष प्रकारको क्यान्सर रोग, किड्नी फेल, मुटु सम्बन्धी रोग, हृदयघात, मुख्य अंग प्रत्यारोपण, नाक÷कान÷घाटी सम्बन्धी रोग, मेजर बर्न, कलेजो सम्बन्धी रोग, बेनिङ ब्रेन एण्ड स्पाइनल ट्युमर र अन्धोपन जस्ता घातक रोगहरु समावेश गर्नुपर्नेछ ।
त्यस्तै, जीवन बीमा कम्पनीहरुले यस्ता घातक रोग पूरक करारको बीमाङ्क रकम अधिकतम १ करोड रुपैयाँसम्म कायम गर्न सक्नेछन् । जीवन बीमकहरुले प्रत्येक पूरक करारको अधिकतम बीमाङ्क रकम बीमालेखको रकम भन्दा बढी नहुने गरी कायम गर्नुपर्ने प्राधिकरणले जनाएको छ ।
प्राधिकरणका अनुसार बीमा शुल्क रकम बीमाङ्कीले तयार गरेको प्राविधिक टिप्पणीमा उल्लेख भएबमोजिम हुनेछ ।
(1).gif)
बीमितहरुले यस्ता घातक रोगको दाबी गर्दा विशेषज्ञ चिकित्सकद्वारा घातक रोग हो भनी प्रमाणित गरेको कागजात बीमा कम्पनी समक्ष पेश गरेमा मात्रै दाबी भुक्तानी हुने प्राधिकरणले जनाएको छ ।
यदि विशेषज्ञ चिकित्सक उपलब्ध नभएको अवस्थामा चिकित्सक मार्फत सिफारिस गरिएको कागजात बीमितले पेश गर्नुपर्नेछ । साथै बीमितले पेश गरेको कागजात सम्बन्धमा जीवन बीमकले थप जाँचबुझ गर्नुपने भएमा सम्बन्धीत रोगको विशेषज्ञ चिकित्सकमार्फत बीमा कम्पनीले आफ्नै खर्चमा जाँचबुझ गराउन पनि सकिने प्राधिकरणले जनाएको छ ।
कागजात पेशपश्चात् घातक रोग प्रमाणि भएमा बीमा कम्पनीले पूरक करार बमोजिमको एकमुष्ठ बीमाङ्क रकम दाबी भुक्तानी गर्नुपर्नेछ । दाबी भुक्तानी सम्बन्धी अन्य प्रक्रिया बीमा प्राधिकरणबाट जारी भएको बीमा दाबी भुक्तानी मार्गदर्शन बमोजिम हुनेछ ।
.gif)
.png)
.jpg)
.png)
.gif)
.gif)
