.gif)
_(1).gif)
काठमाण्डौ । यो साता सेयर बजारमा कुल ५ दिन कारोबार भयो । पाँच दिनमध्ये ३ दिन बजार बढ्यो भने २ दिन घट्यो । अघिल्लो साता २०८४.०९ मा बन्द भएको बजार यो साता २०६७६.०१ मा बन्द भयो ।
यस हिसावले यो साता दोस्रो बजारमा १७.०८ अंकले गिरावट आयो । अघिल्लो साता भने बजार ७१.७९ अंकले बजार घटेको थियो । यो साता दोस्रो बजारमा २३.४२ अर्बबराबरको कारोबार भयो । अघिल्लो साता बजारमा २६ अर्व रुपैयाँबराबरको कारोबार भएको थियो ।
(1).gif)
यस हिसाबले यो साता कारोबार र सूचक दुबैमा गिरावट आयो । यो साता बजार पूँजीकरण ३२ खर्व ४८ अर्व रुपैयाँ रह्यो । गत साता बजार पूँजीकरण ३२ खर्ब ७३ अर्ब रुपैयाँ रहेको थियो । यस हिसावले यो साता बजार पूँजीकरणमा पनि २५ अर्बको गिरावट आएको छ । यसरी २ साताको अवधिमा नेप्से परिसूचकमा ९५ अंकको गिरावट आएको छ ।
प्राविधिक पक्षः
इलिअट वेभमा विभिन्न डिग्री हरु हुने गर्छन । त्यस्ता डिग्रीहरु साना–ठूला गरेर एकदिनदेखि एक सय बर्षसम्मको समय अबधिलाई प्रतिनिधित्व गर्छन् । इलिअट वेभमा मूल्य माथि जान पाँच फरक फरक वेभ हुन्छन भने तल जान तीन ३ वेभ हुन्छन् । माथि लाग्ने पाँच वेभमा पनि तीनवटा चडावका र २ वटा सुधारका देख्न सकिन्छ । यसमा १, ३, ५ चढाबको हुन्छ भने २ र ४ मा करेक्सन हुन्छ । वेभ ५ को करेक्सन वेभ ए हो । वेभ ए, बी, सी ले मूल्य तथा सूचक तल जाने संकेत हो ।
इलिअट वेभ मार्फत बजारलाई नियाल्दा यो साता पनि अघिल्लो साताको गणना र विश्लेषण भ्यालिड नै रहेको छ । बजारमा सानो समय अवधिको एक देखि ५ सम्मको चक्र पूरा गरेर गएको साता देखि एबीसी चक्र चल्दै गरेको दखिन्छ । यो पनि बजारमा सुरुको तीन कारोबारमा वेभ बी र त्यस पछि वेभ सी चलेको देखिन्छ ।
पछिल्लो २ करोबारमा करेक्सन आएको बजार कति सम्म तल आउन सक्छ भनेर हेर्दा यदि वेभ एक को लम्बाइ बराबर नै वेभ सी हन्छ भन्ने इलिअट वेभको सिद्धान्तलाई टेकेर भन्ने हो भने वेभ ए को लाम्बाइ करिव १४० अंक रहेको छ । वेभ बीको उचाइ २१३० सम्म देखिन्छ । अव २१३० बाट १४० अंक घटाउँदा अबको करेक्सन १९९० सम्म पनि हुन सक्ने देखिन्छ । यसको अर्थ बजार यही विन्दुमा नै आउँछ भनेर भन्न खोजिएको भने होइन । यस को अर्थ बजार यो विन्दु सम्म आएको खण्डमा पनि यो गणना भ्यालिड नै रहन्छ भन्ने हो । यहाँ भन्दा माथि २०२५ आसपासमा पनि बलियो सपोर्ट रहकोले बजार २ हजार भन्दा माथि कुनै पनि विन्दुबाटै पनि फर्कन सक्छ ।
तर यदि बजार १९९० भन्दा पनि तल गएको खण्डमा भने यो गणना इन्भ्यालिड पनि हुन सक्छ । यस हिसावले हेर्दा यो साताको ३ दिनको बढोत्तरी वेभ बी अर्थात डेड् क्याट बाउन्स भएको देखिन्छ । हाल एबीसी चक्र अन्तगर्त बजार घटेता पनि त्यो भनेको इन्टर मिडिएट अर्थात ठूलो डिग्रीको वेभ २ भएको ले बजारमा थर्ड अफ थर्ड बाँकी नै रहेकोले बजार पुनः २५ सय माथि पुग्ने हाम्रो अघिल्लो साताको विश्लेषणमा भने हामी अडिक नै रहेका छौं ।
बोलिङगर ब्यान्ड , म्याक्डी र आरएसआई
साप्ताहिक रुपमा बोलिङगर ब्यान्डको आधारमा बजारलाई नियाल्दा अघिल्लो साता अपर ब्यान्डमा छोएर खसेको बजार गएको २ सातामा खासै बढोत्तरी आउन सकेन । यो साता अघिल्लो साताको तुलनामा कारोबार पनि घटेको छ । साप्ताहिक रुपमा नै म्याक्डी मार्फत नियाल्दा केही समय पहिले बनेको बुलिस क्रस ओभर भ्यालिड नै रहेको छ । हिस्टोग्राम सकरात्मक रहेका छन । तर फिक्का र छोटा–छोटा हुँदै गएका छन् । साप्ताहिक रुपमा आरएसआई ५४ को तहमा रहेको छ । समग्रमा तीन वटै इन्डिकेटरबाट हेर्दा बजार २ हजार माथि रहुन्जेल बुलिस नै रहेको मान्न सकिन्छ ।
पिभट विश्लेषणः
पिभट विश्लेषण भनेको सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ।
बढेमा प्रतिरोध
प्रतिरोध ३ –२२३५
प्रतिरोध २ –२२००
प्रतिरोध १– २१४२
पिभट प्वइन्टः २१०७
घटेमा सपोर्ट
सपोर्ट १– २०४९
सपोर्ट २– २०१४
सपोर्ट ३ –१९५६
निश्कर्ष : यो साता पाँच कारोबारमा बजार ३ दिन बढ्यो भने २ दिन घट्यो । समग्रमा बजारमा १७ अंकको गिरावट आयो । अर्थात नेप्से सूचक र कारोबार दुवैमा गिरावट आयो । अघिल्लो साताको तुलनामा यो साता बजार पूँजीकरणमा पनि २५ अर्बले कमी आयो । उप–समूहगत रुपमा हेर्दा बाणिज्य बैंकमा झनै बिक्री दबाव आयो । यो क्षेत्र बजार घट्दा पनि घट्ने र बढ्दा पनि घट्ने अबस्था रह्यो । बजारमा केही चमक आएका क्षेत्र जलविद्युत र अन्य क्षेत्रमा पनि यो साता बिक्री दबाव आँउदा बजार झनै प्रभवित रह्यो । बाँकी उपसमूहमा पनि खासै सुधार हुन सकेन ।
इलिअट वेभ मार्फत बजारलाई नियाल्दा यो साताको ३ दिनको बढोत्तरीमा वेभ बी अर्थात डेड् क्याट बाउन्स भएको देखिन्छ भने २ दिनको करेक्सनमा वेब सी चलेको देखिन्छ । यद्यपी हाल एबीसी चक्र अन्तर्गत बजार घटेता पनि त्यो भनेको इन्टर मिडिएट अर्थात ठूलो डिग्रीको वेव २ भएको ले बजारमा थर्ड अफ थर्ड बाँकी नै रहेकोले बजार पुनः २५ सय माथि पुग्ने हाम्रो अघिल्लो साताको विश्लेषणमा भने हामी अडिग नै रहेका छौं ।
(नोटः सेयर बजारमा लगानी जोखिमपूर्ण हुन्छ, यो विश्लेषण कारोबारको सिफारिस भने होइन । )
.png)
.jpg)
.jpg)
.jpg)
.gif)
(1).gif)
.gif)
