.gif)
_(1).gif)
.png)
काठमाण्डौ । नेपालमा जुलाई महिनामा ६४ हजार ५९९ पर्यटक आएका छन् । नेपाल पर्यटन बोर्डको तथ्यांकअनुसार जुलाईमा यो वर्षकै सबैभन्दा कम पर्यटक नेपाल आएका हुन् ।
यस्तै यो संख्या कोरोना भाइरस महामारी आउनु अघिको वर्ष अर्थात् २०१९ को तुलनामा समेत कम हो । सन् २०१९ को जुलाई महिनामा ७० हजार ९१६ पर्यटक नेपाल आएका थिए ।
(1).gif)
यो वर्षको जुलाईमा नेपाल आएका पर्यटकको संख्या सन् २०२३ को तुलनामा भने बढी हो । सन् २०२३ को जुलाईमा ५७ हजार ७२६ पर्यटक नेपाल आएका थिए ।
नेपाल पर्यटन बोर्डका अनुसार जुलाई महिनासम्म कुल ६ लाख ४७ हजार ६१५ पर्यटक नेपाल भित्रिएका छन् । जुलाईमा भारतबाट सबैभन्दा धेरै पर्यटक नेपाल आएका छन् । यो महिना २१ हजार ४९१ भारतीय पर्यटकले नेपाल भ्रमण गरेका छन् । यस्तै अमेरिकाबाट ८ हजार ८६ पर्यटक नेपाल आएका छन् । चीनबाट भने जुलाई महिनामा ६ हजार ८१९ र बंगलादेशबाट ३ हजार ४७० जना पर्यटकको नेपाल आगमन भएको छ ।
यो वर्षको जनवरी महिनामा ७९ हजार १ सय,फेब्रुअरीमा ९७ हजार ४२६,मार्च महिनामा १ लाख २८ हजार १६७, जुन महिनामा ७६ हजार ७३६ र अप्रिल महिनामा १ लाख ११ हजार ३७६ जना पर्यटक नेपाल आएका थिए ।
.gif)
.png)
.jpg)
.jpg)
.gif)
.gif)
