नेपाल बैंकले घटायो भदौ महिनाका लागि निक्षेपको ब्याजदर

काठमाण्डौ । नेपाल बैंक लिमिटेडले भदौ महिनाका लागि ब्याजदर सार्वजनिक गरेको छ । बैंकले भदौ महिनाका लागि ब्याजदर घटाएको छ ।

साउन महिनाका लागि व्यक्तिगततर्फ अधिकतम ६.२५ प्रतिशत रहेको ब्याजदर भदौ महिनाका लागि पनि ५.२५ प्रतिशत कायम गरिएको छ । बैंकले भदौ महिनाका लागि व्यक्तिगततर्फ २ वर्षसम्मका लागि मुद्दती निक्षेपमा ४.५५ प्रतिशत र २ वर्षभन्दा माथिका लागि ५.२५ प्रतिशत ब्याजदर तोकेको छ ।

त्यस्तै संस्थागतर्फ पनि बैंकले ब्याजदर घटाएको छ । बैंकले भदौ महिनाका लागि २ वर्षसम्म अवधिका लागि ३.०५ प्रतिशत र २ वर्षभन्दा माथि अवधिका लागि ४ प्रतिशत ब्याजदरको व्यवस्था गरेको छ । साउन महिनाका लागि संस्थागतर्फ बैंकले अधिकतम ४.२५ प्रतिशत ब्याज दिएको थियो ।