.gif)
.gif)
काठमाण्डौ । अपि पावर कम्पनी नेप्सेमा सूचीकृत ९१ वटा जलविद्युत कम्पनी मध्यको एक हो । यो कम्पनी विंस २०६० सालमा प्राइभेट कम्पनीको रुपमा स्थापित भएको थियो । विस २०७० सालमा कम्पनी सर्वसाधारणमा परिणत भएको थियो । कम्पनीले विभिन्न प्रोजेक्टहरु सञ्चालनमा ल्याएको छ । जसमा अपर चमेलिया ४० मेगावाट, अपर नौगाड ८ मेगावाट , नौगाड स्मल ८.५ मेगावाट गरेर कुल ५६.५ मेगावाट विद्युत उत्पादन गरेको छ । यसको साथै कम्पनीले चन्द्रानिगाहपूर, ढल्केबर र सिमरामा गरेर ६ मेगावाट क्षमताको सोलार पावर पनि उत्पादन गरिरहेको छ । यी सबै गरेर कम्पनीले कुल ६२.५ मेगावाट विद्युत उत्पादन गरिरहेको छ । यसको साथै कम्पनीले अरुण हाइड्रो, अरुण काबेली पावर, रिडि हाइड्रो तथा एचआइडिसिएलमा गरेर ३८ करोड ८१ लाखबराबरको थप लगानी गरेको छ ।
आधारभूत पक्षः
गत आर्थिक वर्षको चौंथो त्रैमासिक प्रतिवेदनअनुसार कम्पनीको चुक्तापूँजी ५ अर्ब ७८ करोड रुपैयाँ रहेको छ । कम्पनीको खुद मुनाफा ४५ करोड ६५ लाख रुपैयाँ रहेको छ । यस्तै कम्पनीको प्रतिसेयर आम्दानी(ईपीएस)७.८९ रुपैँया रहेको छ । कम्पनीको प्रतिसेयर नेटवर्थ १०९.७३ रुपैयाँ र पीई रेसियो करिब ४६ गुणा रहेको छ ।
प्राविधिक पक्षः
फियर एण्ड ग्रिड मिटर
फियर एण्ड ग्रिड मिटरको आधारमा यो कम्पनी हाल ८० को तहमा स्ट्रङ बुलिस सेन्टिमेन्टमा चलेको छ । यदि कम्पनीको सेयर मूल्य ८० भन्दा बढी भएमा कम्पनीप्रति लगानीकर्ताको अधिक आकर्षण र २० भन्दा कम भएमा बिकर्षण भन्ने बुझिन्छ । यस आधारमा हाल यस कम्पनीमा लगानीकर्ताको अधिक आकर्षण भएको मान्न सकिन्छ । कम्पनीको ५२ साताको उच्च मूल्य ३६७ रुपैयाँ र न्यून मूल्य १५६ रुपैयाँ रहको छ ।
बोलिङ्गर ब्याण्ड , म्याक्डी र आरएसआई
बोलिङ्गर ब्याण्डका आधारमा कम्पनीको सेयर मूल्य अपर ब्याण्डसँगै हिंडेको छ । यसले पनि कम्पनीको सेयर भाउ अप ट्रेन्डमा चलेको देखिन्छ । तर पछिल्लो कारोबारमा भने कम्पनीको सेयरमा वियरिस प्रकृतिको क्याण्डल बनेको छ । यसले कम्पनीको सेयरभाउमा अल्पकालिन करेक्सन पनि आउन सक्छ । म्याक्डीमा केही समय पहिले बनेको बुलिस क्रसओभर भ्यालिड नै रहेको छ । आरएसआई ओभर बट जोनमा चलेको देखिन्छ । समग्रमा ३ वटै इन्डिकेटरमा भने कम्पनीको सेयर भाउ बुलिस चलेको देखिन्छ ।
पिभट् प्वइन्टः
पिभट विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ – ५१४
प्रतिरोध २ – ४४७
प्रतिरोध १– ४११
पिभट प्वइन्टः ३४४
घटेमा सपोर्ट
सपोर्ट १– ३१४
सपोर्ट २– २४१
सपोर्ट ३ – २०५
निष्कर्षः आधारभूत रुपमा कम्पनीको अवस्था सन्तोषजनक देखिन्छ । कम्पनीको प्रतिसेयर आम्दानी र खुद नाफामा सुधार आएको देखिन्छ । कम्पनीेले सोलर पावर लगाएत विभिन्न क्षेत्रमा लगानी गरेका कारण अल्पकालको लागि भन्दा पनि दीर्घकालका लागि कम्पनी उपयुक्त देखिन्छ । प्राविधिक रुपमा फियर एण्ड ग्रिड मिटरमा बुलिस सेन्टिमेन्टमा चलेको छ । बोलिङ्गर ब्याण्ड तथा अन्य इन्डिकेटरबाट नियाल्दा अपर ब्याण्डमा वियरिस प्रकृतिको क्याण्डल बनेका कारण आगामी कारोबारमा यस कम्पनीमा अल्पकालिन करेक्सन आउन पनि सक्छ । तर दीर्घकालका लागि भने कम्पनी उत्तम नै देखिन्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.jpg)
.jpg)
.png)
.jpg)
.gif)
