.gif)
_(1).gif)
.png)
काठमाण्डौ । स्वावलम्बन लघुवित्त वित्तीय संस्थाको लुभु शाखा कार्यालयले वित्तीय संस्थामा आवद्ध केन्द्र प्रमुखहरु तथा अभिभावकहरुको उपस्थितिमा एक दिने वित्तीय साक्षरता तथा केन्द्र प्रमुख गोष्ठी सम्पन्न गरेको छ ।
‘एक सदस्य एक लघुवित्त’ भन्ने नाराका साथ आयोजना गरिएको कार्यक्रम ग्राहक सदस्यहरुको चेतनामा वृद्धि, सामूहिक भावनाको विकास, नेतृत्व क्षमताको विकास, बचत गर्ने बानीको विकास, ग्राहक सदस्यहरुलाई उद्यबनाउने उपायहरु,डिजिटल बैकिङ सेवा, बहु–बैकिङबाट बच्ने उपायहरु जस्ता विषयमा केन्द्रीत रहेको संस्थाले जनाएको छ ।
(1).gif)
कार्यक्रममा प्रमुख अतिथि महालक्ष्मी नगरपालिकाका उप–प्रमुख लक्ष्मी महर्जनले स्वावलम्बन लघुवित्तले ग्राहक सदस्यहरुलाई सानो—सानो आकारको बचत गर्ने बानीको विकास गराउने, सरसफाई तथा वातावरणप्रति सजग गराउने, बहु–बैकिङबाट बच्न सिकाउने, आवश्यकताअनुसारको कर्जा कारोबार गरी उद्यमशील बनी आर्थिक रुपमा सक्षम बनाउने जस्ता कार्यहरु गरि समाजलाई सकारात्मक दिशातर्फ अगाडी बढाएकोमा संस्थाको प्रशंसा गरिन् ।
वित्तीय संस्थाका नायब महाप्रबन्धक गोविन्द चापागाईले लघुवित्त संस्थाले ग्रामीण समुदायको जीवनस्तर उकास्न प्रमुख भूमिका निर्वाह गरेको बताए । उनले वित्तीय संस्थाबाट उपभोग गरेको कर्जाको सदुपयोग गरी आफ्ना व्यपार व्यवसायलाई सफल बनाउन सुझाव समेत दिए १५० जनाभन्दा बढी सहभागी सदस्यहरुको उपस्थितिमा सम्पन्न कार्यक्रमा संस्थाको तालिम विभाग प्रमुख मोहित नारायण यादव तथा शाखा कार्यालय लुभुका कर्मचारीहरुको उपस्थिति रहेको थियो ।
.gif)
.png)
.jpg)
.png)
.jpg)
.jpg)
.gif)
.gif)
