नबिल स्टक डिलरको तेस्रो वार्षिक साधारण सभा सम्पन्न

काठमाण्डौ । नबिल स्टक डिलर लिमिटेडको तेस्रो वार्षिक साधारण सभा सम्पन्न भएको छ । कम्पनीको साधारण सभा असोज २० गते आइतबार काठमाण्डौ दरबारमार्गमा रहेको रजिष्टर्ड कार्यालयमा सम्पन्न भएको हो ।  

सभाले लेखापरिक्षकको प्रतिवेदनसहित आर्थिक वर्ष २०८०/८१ को वार्षिक प्रतिवेदन पारित गरेको छ ।  

यस्तै, सेयरधनीलाई आव २०८०/८१ का लागि ८ प्रतिशत नगद लाभांश (कर समेत) वितरण गर्ने प्रस्ताव समेत पारित गरेको छ ।

साथै, २०८१/८२ का लागि पिजेपिएन एण्डको चार्टर्ड एकाउन्टेन्टस्लाई लेखापरीक्षकमा नियुक्त गर्ने प्रस्ताव समेत पारित भएको कम्पनीले जनाएको छ ।  

नबिल स्टक डिलर लिमिटेड नबिल बैंकको पूर्ण स्वामित्व भएको सहायक कम्पनी हो । जसले धितोपत्र व्यापारीअन्तर्गत पूर्ण धितोपत्र दलाल सेवा, निक्षेप सदस्यता सेवा, सेयर प्रत्याभूती सेवालगायतका अन्य गुणस्तरिय सेवाग्राहकहरु प्रदान गर्दै आईरहेको छ ।