बुधबार, चैत्र २०,२०८१ 12:32:13
IME remit
  • बुधबार, चैत्र २०,२०८१ 12:32:13
IME remit
Global IME Bank Limited

लो क्याप मध्येको एक कालिका पावर बुलिस सेन्टिमेन्टमा, कस्तो रहला आगामी यात्रा ?

Hyundai Nepal
लो क्याप मध्येको एक कालिका पावर बुलिस सेन्टिमेन्टमा, कस्तो रहला आगामी यात्रा ?
Nabil Bank Limited

काठमाण्डौ । कालिका पावर कम्पनी नेप्सेमा सूचीकृत जलविद्युत कम्पनी हो । अन्य कम्पनीको तुलनामा कम पूँजी भएको यो कम्पनी गोर्खा जिल्लामा वि.सं.२०६३ सालमा स्थापना भएको हो । यो कम्पनीले ६.४ मेगावाटको जलविद्युत आयोजना सञ्चालन गरेको छ ।  

आधारभूत पक्षः  

यस आर्थिक वर्षको पहिलो त्रैमाससम्म कम्पनीको चुक्तापूँजी ८७ करोड ८२ लाख ५० हजार रुपैयाँ रहेको छ । कम्पनीको जगेडा कोषको आकार १४ करोड २८ लाख रुपैयाँ रहेको छ । यस्तै कम्पनीको कुल पूँजी १ अर्ब १ करोड रुपैयाँ मात्रै रहेको छ ।  

यस त्रैमासमा कम्पनीको खुद मुनाफा ४ करोड ६० लाख रुपैयाँ रहेको छ । कम्पनीको प्रतिसेयर आम्दानी २१.११ रुपैयाँ रहेको छ भने बुक भ्यालु ११६.३७ रुपैयाँ र रिर्टन अन इक्विटी १८.१४ प्रतिशत रहेको छ ।  

Shivam Cement
Bizshala
CG Motors

प्राविधिक पक्षः  

इलिअट वेभमा विभिन्न डिग्रीहरु हुने गर्छन् । त्यस्ता डिग्रीहरुले साना–ठूला गरेर एकदिनदेखि एकसय वर्षसम्मको समय अवधिलाई प्रतिनिधित्व गर्छन् । इलिअट वेभमा मूल्य माथि जान पाँच फरक–फरक वेभ हुन्छन् भने तल जान ३ वेभ हुन्छन् ।  

माथि लाग्ने पाँच वेभमा पनि तीनवटा बढोत्तरीका र २ वटा सुधारका देख्न सकिन्छ । यसमा १, ३, ५ बढोत्तरीको हुन्छ भने २ र ४ करेक्सनको हुन्छ । वेभ ५ को करेक्सन वेभ ‘ए’ हो । वेभ ‘ए’, ‘बी’, ‘सी’ले मूल्य तथा सूचक तल जाने संकेत दिन्छ ।

यो सिद्धान्तअनुसार यो कम्पनीको सेयरलाई नियाल्दा वेभ १ मा २३३ देखि ४०० सम्म , वेभ २ मा करेक्सन भएर २६० रुपैयाँसम्म , त्यसै गरि वेभ ३ मा यसको मूल्य बढेर ६०५ रुपैयाँ सम्म , वेभ ४ मा  ४५७  सम्म र हालको बढोत्तरीले यो कम्पनी सेयर भाउ ७०० सम्म पुग्न सक्छ ।  

Laxmi Sunrise Bank Limited
Sagarmatha Cement
Muktinath Bikas Bank Limited

फियर एण्ड ग्रिड इन्डेक्सको आधारमा  

यो इन्डेक्सको आधारमा यो कम्पनी हाल ६० को तहमा बुलिस सेन्टिमेन्टमा चलेको देखिन्छ । कम्पनीको ५२ साताको उच्च मूल्य ५८५ र न्यून मूल्य ३०७ रुपैयाँ रहेको देखिन्छ । यस कम्पनीमा शतप्रतिशत सेयर सर्वसाधारणमा परिणत भएको छ । ब्रोकर होल्डिङ मार्फत नियाल्दा  यस कम्पनीको सेयर सबै भन्दा धेरै क्रमशः ब्रोकर नम्बर ७७ , ४९ र ५० बाट उच्च होल्डिङ रहेको देखिन्छ ।  

बोलिङ्गर ब्याण्ड , म्याक्डी र आरएसआई  

बोलिङ्गर ब्याण्डको आधारमा यो कम्पनी हाल एकपटक अपर ब्याण्डमा छोएर मध्य ब्याण्डमा सपोर्ट लिन आउँदै गरेको देखिन्छ । म्याक्डी मार्फत नियाल्दा भने हाल करिब वियरिस क्रसओभर बन्दै गरेको देखिन्छ । हिस्टोग्राम सकारात्मक रहेता पनि छोटा–छोटा र फिक्का हुँदै गरेका छन् । यसलो बिक्री दबाब परेको बुझिन्छ । आरएसआईले करिब ओभर बट जोनमा एम आकार बनाएर हाल न्यूट्रल जोनमा चलेको देखिन्छ । समग्रमा तीन वटै इन्डिकेटरबाट नियाल्दा यो कम्पनी बुलिस सेन्टिमेन्टमा चलेको भएता पनि अल्पकालिन करेक्सन हुन सक्ने देखिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको  अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – ५९०

प्रतिरोध २ – ५७२

प्रतिरोध १–  ५५१

पिभट प्वइन्टः ५३३

घटेमा सपोर्ट  

सपोर्ट १– ५१२

सपोर्ट २– ४९४

सपोर्ट  ३ – ४७३

निष्कर्षः  आधारभूत रुपमा यो कम्पनीमा अघिल्लो आर्थिक वर्षको तुलनामा सुधार भएको देखिन्छ । कम्पनीको प्रतिसेयर आम्दानी , खुद मूनाफा , रिर्टन अन इक्विटी तथा बुक भ्यालुमा सुधार देखिन्छ । प्राविधिक रुपमा यो कम्पनीको सेयर भाउ फियर एण्ड ग्रिड इन्डेक्समा बुलिस सेन्टिमेन्टमा देखिन्छ । तर अन्य इन्डिकेटरबाट नियाल्दा कम्पनीको सेयर भाउमा अल्पकालिन करेक्सन आउन सक्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारका लागि सिफारिस भने होइन ।  

Nepal Investment Mega Bank Limited
Shivam Cement
New Office
Bizshala
Shikhar Insurance
Bizshala

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.