(2).gif)
.png)
काठमाण्डौ । निर्धन उत्थान लघुवित्त वित्तीय संस्था लिमिटेडको २६ औं साधारण सभा आगामी पुस २६ गते काठमाण्डौको नक्सालमा रहेको कम्पनीको केन्द्रीय कार्यालयमा बिहान १० बजेदेखि सुरु हुनेछ ।
संस्थाको सञ्चालक समितिले गत आवका लागि सेयरधनीहरुलाई लाभांशको कुनैपनि प्रस्ताव नगरेकाले लाभांशसँग सम्बन्धित कुनैपनि अजेण्डा सभामा पेश हुनेछैन ।
सभामा अन्य एकभन्दा बढी लघुवित्तलाई मर्जर वा प्राप्ति गर्न उपयुक्त देखिएमा सो सम्बन्धी आवश्यक सम्पूर्ण कार्य गर्नका लागि सञ्चालक समितिलाई पूर्ण अख्तियारी प्रदान गर्ने विशेष प्रस्ताव पारित गरिनेछ ।
यस्तै सभामा आव २०८०/८१ को सञ्चालक समितिको वार्षिक प्रतिवेदनमाथि छलफल गरि पारित गर्ने, आव २०८०/८१ को लेखापरीक्षकको प्रतिवेदनसहितको वित्तिय विवरणहरु उपर छलफल गरि पारित गर्ने र आव २०८१/८२ को लागि लेखापरीक्षक नियुक्त गर्ने र निजको पारिश्रमिक निर्धारण गर्ने प्रस्तावहरु पारित गरिनेछ ।
साधारण सभा प्रयोजनका लागि संस्थाले पुस १२ गते एक दिनका लागि बुक क्लोज गर्ने निाणर््य गरेको छ । यसर्थ पुस ११ गतेसम्म नेप्सेमा कारोबार भई कायम भएका सेयरधनीहरु मात्रै सभामा सहभागी हुनका लागि योग्य हुनेछन् ।
.png)
.png)
