हिमालय उर्जा विकासले एकैपटक डाक्यो दुई आवको साधारण सभा, यस्ता छन् प्रस्ताव

काठमाण्डौ । हिमालय उर्जा विकास कम्पनी लिमिटेडले दुई आर्थिक वर्षको साधारण सभा एकैपटक डाकेको छ । पुस २ गते बसेको कम्पनीको सञ्चालक समितिको बैठकले २३ औं र २४ औं वार्षिक साधारण सभा डाकेको हो ।  

उक्त सभा पुस २६ गते काठमाण्डौको नयाँ बानेश्वरमा रहेको अर्पण ब्याङक्वेटमा बिहान ११ बजेदेखि सुरु हुनेछ ।  

सभामा सभामा आव २०७९/८० र २०८०/८१ को सञ्चालक समितिको वार्षिक प्रतिवेदनमाथि छलफल गरि पारित गर्ने, २०७९/८० र २०८०/८१ को लेखापरीक्षकको प्रतिवेदनसहितको वित्तिय विवरणहरु उपर छलफल गरि पारित गर्ने, आव २०८१/८२ को लागि लेखापरीक्षक नियुक्त गर्ने र निजको पारिश्रमिक निर्धारण गर्ने प्रस्तावहरु पारित  गर्ने र सञ्चालकको निर्वाचन गर्ने प्रस्तावहरु पारित गरिनेछ ।  

साधारण सभा प्रयोजनका लागि कम्पनीले पुस १२ गते एक दिनका लागि बुक क्लोज गर्ने निर्णय गरेको छ ।