अमेरिकी केन्द्रीय बैंकको ब्याजदरको निर्णयका कारण एशियाली र युरोपेली सेयर बजारमा गिरावट

काठमाण्डौ । अमेरिकी केन्द्रीय बैंकले गरेको ब्याजदरसम्बन्धी निर्णयपश्चात आज एशियाली र युरोपेली बजारमा गिरावट आएको छ । बुधबार अमेरिकाको केन्द्रीय बैंक,फेडरल रिजर्भले २५ बेसिक प्वइन्टले ब्याजदर घटाउने र आगामी वर्ष कम कटौती गर्ने संकेत गरेको थियो ।  

जसपश्चात आज जापानको सेयर बजार मापक इन्डेक्स निक्की२२५ ०.६९ प्रतिशत अर्थात २६८ अंकले घटेको छ । यो गिरावटसँगै निक्की ३८ हजार ८१३ विन्दुमा सीमित बनेको छ । जापानको केन्द्रीय बैंकले  ब्याजदर स्थिर राखेसँगै जापानी येन डलरको तुलनामा ०.७४ प्रतिशतले घटेको छ । यससँगै एक अमेरिकी डलरबराबर १५५.९४ येन कायम भएको छ ।  

यस्तै जापानको अर्को सेयर बजार मापक इन्डेक्स टोपिक्स पनि ०.२२ प्रतिशतले घट्दै २ हजार ७१३ विन्दुमा झरेको छ ।  भारतको सेयर बजार सेन्सेक्स १.१९ प्रतिशत र निफ्टी५० पनि १.०१ प्रतिशतले घटेका छन् । 

यस्तै दक्षिण कोरियाको कोस्पी इन्डेक्स पनि १.९५ प्रतिशतले घटेर २ हजार ४३५ विन्दु र कोस्डाक पनि १.८९ प्रतिशतले घटेर ६८४ विन्दुमा सीमित बनेको छ । कोरियाली वन पनि सन् २००९ र्मा पछिकै कमजोर बनेको छ ।  

आज अष्ट्रेृलियाको एस एण्ड पी÷एएसएक्स२०० पनि १.७ प्रतिशतले ओरालो लाग्दै ८ हजार १६८ विन्दुमा सीमित बनेको छ । हङकङको हाङसेङ इन्डेक्स पनि ०.३६ प्रतिशतले ओरालो लागेको छ ।  

आज युरोपियन स्टकएक्स६०० पनि १.२६ प्रतिशतले घटेको छ । जर्मनीको डिएएक्स,फ्रान्सको सीएसी४० र बेलायको फुट्सी१०० पनि १ प्रतिशतभन्दा बढीले घटेका छन् ।