.gif)
_(1).gif)
.png)
काठमाण्डौ । नेपाल राष्ट्र बैंकको नयाँ भवन हस्तान्तरणको अन्तिम चरणमा पुगेको छ । २०७२ को विनाशकारी भूकम्पले बालुवाटारस्थित केन्द्रीय कार्यालयको भवन क्षतिग्रस्त बनेपछि सरकारले २०७६ असार २३ गते शिलान्यास गरी नयाँ भवन निर्माण गर्न सुरु गरेको थियो । नयाँ भवनको शिलान्यास तत्कालिन राष्ट्रपति विद्यादेवी भण्डारीले गरेकी थिइन् ।
२०७२ वैशाख १२ गतेको महा भूकम्पका कारण बैंकको केन्द्रीय कार्यालय भवन क्षतिग्रस्त भएपछि त्यसलाई भत्काइ राष्ट्रिय पुनर्निर्माण प्राधिकरणसँगको समन्वयमा नयाँ भवन निर्माणको प्रक्रिया अघि बढाइएको थियो । यसको निम्ति २ अर्ब ८ करोड रूपैयाँमा निर्माण सम्पन्न गर्ने गरी २०७५ फागुन २९ गते समानान्तर जेभीसँग भवन निर्माणसम्बन्धी सम्झौता भएको थियो ।
६१ रोपनीभन्दा बढी क्षेत्रफल रहेको बैंक परिसरमा ५,०३२ वर्ग मिटरमा वेसमेन्ट दुई तला र जमीनमाथि चार तलासहितको अत्याधुनिक भवन निर्माण भएको छ ।
कुल ६१ रोपनी ७ आना निर्माणका लागि छुट्टाइएकोमा ४५ रोपनी भवनको लागि र बाँकी १६ रोपनीमा ४०० मिटर सडक, पार्क, वाटर फाउन्डेसन, वृक्षारोपण र बगैँचा जस्ता संरचना निर्माण भएका छन्।
नयाँ निर्माण गरिएको भवन भूकम्प प्रतिरोधात्मक,अपाङ्गमैत्री र वातावरणमैत्री रहेको राष्ट्र बैंकले जनाएको छ । भवनमा ४ सय २८ वटा कोठा छन् ।
.gif)
.png)
(59)(2)(186).png)
.jpg)
(59)(2)(185).png)
(29).jpg)
(59)(2)(184).png)
.gif)
.gif)
.gif)
