आज बढ्यो सुनको मूल्य, प्रतितोला कतिमा भईरहेको छ कारोबार ?

काठमाण्डौ । आज घरेलु बजारमा सुनको मूल्य बढेको छ । अघिल्लो दिन स्थिर रहेको सुनको मूल्य आज भने बढेको हो ।  

नेपाल सुनचाँदी व्यवसायी महासंघका अनुसार आज सुनको मूल्य प्रतितोला ५ सय रुपैयाँले बढेको छ । यो वृद्धिसँगै सुनको मूल्य आज प्रतितोला १ लाख ५२ हजार ५ सय रुपैयाँ कायम भएको छ ।  

पछिल्लो दुई दिन सुनको मूल्य स्थिर अर्थात १ लाख ५२ हजार रुपैयाँ कायम थियो ।  

अन्तराष्ट्रिय बजारमा आज सुनको मूल्यमा आएको बढोत्तरीका कारण सुनको मूल्य उकालो लागेको हो ।  

आज चाँदीको मूल्य भने स्थिर रहेको छ । चाँदीको मूल्य आज प्रतितोला १ हजार ८३० रुपैयाँमा कारोबार भईरहेको छ । अघिल्लो दिन चाँदीको कारोबार यही मूल्यमा भएको थियो ।