टिएमएसमा एकाएक समस्या, लगानीकर्ता असन्तुष्ट

काठमाण्डौ । नेपाल स्टक एक्सचेञ्जको कारोबार व्यवस्थापन प्रणाली(ट्रेड म्यानेजमेन्ट सिस्टम-टिएमएस) मा एकाएक समस्या देखिएको छ ।  

आइतबार आज कारोबार सुरु भएदेखिनै टिएमएसमा समस्या देखिन थालेको थियो । सुरुवातमा केही ब्रोकरको टिएमएसमा लगइन नहुने, खरिद तथा बिक्री अर्डर पोस्ट नहुने जस्ता समस्या देखिएको थियो । तर केही समयपछि भने अधिकांशमा यस्तो समस्या देखिएर सर्भर नै डाउन हुन पुगेको थियो ।  

बजार खुलेलगत्तै टिएमएसमा समस्या देखिएपछि लगानीकर्ताहरुले सामाजिक सञ्जालमा रोष प्रकट गरिरहेका छन् । करोडौ खचिएर बनाइएको प्रणाली बिगारेर चलखेल गर्न खोजिएको उनीहरुको आरोप छ ।  

कतिपयले टिएमएसको भेण्डर कम्पनी बाईको प्रालिविरुद्ध पनि आक्रोश व्यक्त गरिरहेका छन् । 

नेप्सेका प्रवक्ता मुराहरी पराजुलीले टिएमएसमा आएको समस्या पहिचानको प्रयास भईरहेको जानकारी दिए ।