नेपाल इन्भेष्टमेन्ट मेगा बैंक ५७% ले नाफा बढाउन सफल, कस्तो छ समग्र वित्तीय अवस्था ?

काठमाण्डौ । नेपाल इन्भेष्टमेन्ट मेगा बैंकले चालु् आवको दोस्रो त्रैमाससम्म २ अर्ब ८३ करोड रुपैयाँबराबरको खुद नाफा आर्जन गरेको छ । यो रकम अघिल्लो आवको सोही अवधिको तुलनामा ५७.१८ प्रतिशतले बढी हो ।  

अघिल्लो आवको सोही अवधिसम्म बैंकले १ अर्ब ९९ करोड रुपैयाँबराबरको खुद नाफा आर्जन गरेको थियो ।  

यो अवधिमा बैंकले ७ अर्ब ३६ करोड रुपैयाँबराबरको खुद ब्याज आम्दानी गरेको छ । जुन अघिल्लो आवको सोही अवधिको तुलनामा २.३७ प्रतिशतले कम हो । बैंकको खुद शुल्क तथा कमीशन आम्दानी ८ अर्ब ३० करोड रुपैयाँबाट बढेर ८ अर्ब ३७ करोड रुपैयाँ पुगेको छ । बैंकको सञ्चालन मुनाफा ३३.६९ प्रतिशतले बढेर ४ अर्ब ४ करोड रुपैयाँ पुगेको छ ।  

बैंकको रिटेन्ड अर्निङ २ अर्ब ८६ करोडले ऋणात्मक अवस्थामा रहेको छ । यस्तै बैंकको रिजर्भको आकार ३१ अर्ब ८९ करोड रुपैयाँबराबर रहेको छ ।  

बैंकको निक्षेप संकलन ४ खर्ब ४० अर्ब र कर्जा प्रवाह ३ खर्ब २८ अर्ब रुपैयाँ पुगेको छ । दोस्रो त्रैमाससम्ममा बैंकको वितरणयोग्य मुनाफा भने २ अर्ब ८६ करोड रुपैयाँले ऋणात्मक रहेको छ । यस्तै बैंकको वार्षिक वितरणयोग्य प्रतिसेयर आम्दानी पनि ८.३९ रुपैयाँले ऋणात्मक अवस्थामा छ ।  

अघिल्लो आवमा ४.७५ प्रतिशत रहेको खराब कर्जा अनुपात बढेर ५.८६ प्रतिशत कायम भएको छ ।  

समीक्षा अवधिसम्म बैंकको प्रतिसेयर आम्दानी(ईपीएस)१६.६० रुपैयाँ, प्रतिसेयर नेटवर्थ १८५ रुपैयाँ, प्रतिसेयर कुल सम्पत्तिको मूल्य १ हजार ५६२ रुपैयाँ र मूल्य आम्दानी अनुपात १२.७१ गुणा कायम भएको छ ।