सुनको मूल्य हालसम्मकै उच्च नजिक, एकैदिन १४ डलरले बढ्यो

काठमाण्डौ । सुनको मूल्य हालसम्मकै उच्च नजिक पुगेको छ । अन्तराष्ट्रिय बजारमा आज सुनको मूल्य ०.५१ प्रतिशत अर्थात १४.०७ डलरले बढेको छ ।

यो वृद्धिसँगै सुनकोृ मूल्य प्रतिऔंस २ हजार ७७२ डलर कायम भएको छ ।

अमेरिकी डलरको कमजोर बन्दा र विश्व राजनीतिक घटनाक्रमले निम्त्याएको अनिश्चिताका कारण पछिल्लो समय सुनको मूल्य निरन्तर वृद्धि भईरहेको छ । सुनको मूल्य यसअघि गत अक्टोबर महिनामा हालसम्मकै उच्च कायम भएको थियो । त्यसबेला सुनको मूल्य प्रतिऔंस २ हजार ७९० डलरको उचाईमा पुगेको थियो ।

आजको कारोबारमा सुनको मूल्य बढेता पनि चाँदीको भने घटेको छ । यो समाचार तयार पार्दासम्म चाँदीको मूल्य ०.१३ डलरले घट्दै प्रतिऔंस ३०.७४ डलरमा कारोबार भईरहेको छ ।