मारुतीले फेब्रुअरी १ देखि कारहरुको मूल्य बढाउने, कुनको कतिले हुनेछ वृद्धि ?

काठमाण्डौ । भारतको सबैभन्दा ठूलो कार निर्माता कम्पनी मारुती सुजुकीले आफ्ना सवारी साधनको पोर्टफोलियोको मूल्य अपेडेट गर्ने घोषणा गरेको छ । मारुतीको कारहरुको मूल्य आगामी फ्रेब्रुअरी १ देखि महङ्गो हुनेछ । कम्पनीले कारहरुको मूल्य अलग–अलग मोडल र भेरियन्टका हिसाबले करिब ३२ हजार ५ सय भारुसम्म वृद्धि हुने जनाएको छ ।  

यो नयाँ मूल्य आगामी फेब्रुअरी १ देखि भारतभर लागू हुनेछ । कारहरुको निर्माणमा बढ्दो लागत मूल्य र सञ्चालन खर्चका कारण कारहरुको मूल्य वृद्धि गर्न लागिएको कम्पनीले उल्लेख गरेको छ । ग्राहकहरुमाथि अधिक भार नपरोस् भन्ने अभिप्रायसले कम्पनीले मूल्य वृद्धिलाई जतिसक्दो कम राख्ने प्रयास गर्ने समेत जनाएको छ ।  

मारुतीको इन्ट्री लेभल कार सेलेरियोको मूल्य ३२ हजार ५ सय भारु वृद्धि गरिएको छ । यसका साथै कम्पनीकमो सबैभन्दा महङ्गो तथा प्रिमियम मोडल ‘इन्भिक्टो’को मूल्य पनि ३० हजार भारुले बढाइएको छ ।  

यस्तै कम्पनीको बेष्ट सेलिङ कार मारुती वागेन आरको मूल्यमा पनि करिब १५ हजार भारुको बढोत्तरी हुने भएको छ । कम्पनीको अर्को मोडल स्विफ्टको मूल्य पनि ५ हजार भारुसम्म बढाइएको छ ।    

कम्पनीले गत वर्ष मात्रै स्फ्टिको फोर्थ जेनेरेशन मोडल लञ्च गरेको थियो ।  

स्पोटी य।ुटिलिटी सेग्मेन्टमा आउने मारुती ब्रेजा तथा ग्राण्ड भिताराको मूल्य पनि क्रमशः२० हजार भारु र २५ हजार भारुसम्मको वृद्धि गरिएको छ । यसका साथै भारतमा सबैभन्दा सस्तो तथा चर्चित कारको रुपमा रहेको मारुती अल्टो केटेनको मूल्य पनि १९ हजार ५ि सय भारुले बढाइएको छ । एस–प्रेसोको मूल्य पनि ५ हजार भारुसम्मले वृद्धि गरिएको छ ।  

प्रिमियम ह्याचब्याक मारुती बालेनको मूल्य ९ हजार भारु र फ्रोन्एक्सको ५ हजार ५ सय भारुले बढाइएको छ । मारुती सुजुकीले हालै लञ्च गरेको मारुती डिजाएरको मूल्य पनि १० हजार बढाउने घोषणा गरेको छ । यो कार कम्पनीको पहिलो फाइभ–स्टार सेफ्टी रेटिङ कार हो ।  

यससँगै मारुतीको सबैभन्दा सस्तो कार अल्टो केटेनको सुरुवाती मूल्य ३.९९ लाख भारुबाट सुरु हुनेछ । यस्तै सबैभन्दा महङ्गो इन्भिक्टोको मूल्य २८.९२ लाख भारुबाट सुरु हुनेछ ।