टेस्लाले बढायो मोडल एक्सको मूल्य, कति पुग्यो भाउ ?

काठमाण्डौ । अमेरिकी ईभी अटो निर्माता कम्पनी टेस्लाले आफ्नो ‘मोडल एक्स’को मूल्य वृद्धि गरेको छ । कम्पनीले अमेरिकामा मोडल एक्सको मूल्य प्रतियुनिट ५ हजार डलरले वृद्धि गरेको हो ।

यससँगै अब अमेरिकामा मोडल एक्सको मूल्य ८४ हजार ९९० डलर पुगेको छ । यसअघि यसको मूल्य ७९ हजार ९९० डलर कायम थियो । यसको प्लेड भेरियन्टको मूल्य पनि ९४ हजार ९९० बाट बढाएर ९९ हजार ९९० डलर पुर्याइएको छ ।

गत डिसेम्बर महिनामा पनि कम्पनीले ‘मोडल एस’को मूल्य ५ हजारले बढाएको थियो । यस्तै कम्पनीले गत फेब्रुअरी १ देखि क्यानडामा आफ्ना सबै मोडलहरुको मूल्य बढाउने निर्णय गरेको थियो ।