काठमाण्डौ । पेट्रोलको मूल्य पुनः बढेको छ । आज मध्यरातिदेखि लागू हुने गरी नेपाल आयल निगमले पेट्रोलको मूल्य १ रुपैयाँले बढाएको छ भने डिजल मट्टितेलको मूल्य भने घटाएको छ ।
डिजेल र मट्टितेलको मूल्य प्रतिलिटरमा ४ रुपैयाँले घटेको छ भने पेट्रोलको मूल्य प्रतिलिटर १ रुपैयाँले बढेको छ ।
समायोजनसँगै अब पेट्रोलको मूल्य पहिलो वर्गमा पर्ने क्षेत्रहरु चारआली, विराटगर, जनकपुर, अमलेखगञ्ज, भलवारी, नेपालगञ्ज, धनगढी र बीरगञ्जमा १६५.४० रुपैयाँ, दोस्रो वर्गमा पर्ने क्षेत्रहरु सुर्खेत र दाङमा १६७ रुपैयाँ र तेस्रो वर्गमा पर्ने क्षेत्रहरु काठमाडौं, पोखरा र दीपायल १६८ रुपैयाँ पर्नेछ ।
त्यस्तै, डिजेल र मट्टितेल मूल्य पहिलो वर्गका क्षेत्रमा १५३.५० रुपैयाँ, दोस्रो वर्गका स्थानमा १५५ रुपैयाँ र तेस्रो वर्गका स्थानमा १५६ रुपैयाँ पर्नेछ ।