प्रतिऔंस २० डलरले बढ्यो सुनको मूल्य, कति पुग्यो भाउ ?

काठमाण्डौ । अन्तराष्ट्रिय बजारमा सुनको मूल्य थप वृद्धि भएको छ । आजको कारोबारमा सुनको मूल्य ०.७४ प्रतिशत अर्थात प्रतिऔंस २०.७६ डलरले बढेको छ ।

यो समाचार तयार पार्दासम्म सुनको मूल्य प्रतिऔंस २ हजार ८६४.५६ डलरमा कारोबार भईरहेको छ । युक्रेन र अमेरिकाबीचको सम्बन्धमा देखिएको तिक्तताका कारण युक्रेन–रुसबीचको सम्भावित शान्ति सम्झौता जोखिममा परेसँगै निम्तिएको अनिश्चितताका र अमेरिकी राष्ट्रपतिले घोषणा गरेको ट्यारिफले विश्व व्यापार युद्धको सम्भावना बढेसँगै सुनको मूल्य बढेको हो ।

आज चाँदीको मूल्य समेत बढेको छ । चाँदीको मूल्य ०.३१ डलरले बढ्दै प्रतिऔंस ३१.३ डलरमा कारोबार भईरहेको छ ।