प्रतिऔंस १४ डलरले घट्यो सुनको मूल्य

काठमाण्डौ । अन्तराष्ट्रिय बजारमा सुनको मूल्य आज घटेको छ । आजको कारोबारमा सुनको मूल्य ०.४८ प्रतिशत अर्थात १४.०९ डलरले घटेको छ ।  

यो समाचार तयार पार्दासम्म सुनको मूल्य प्रतिऔंस २ हजार ९०५ डलरमा कारोबार भईरहेको छ ।  

अमेरिकी बोण्डको प्रतिफल बढेसँगै र बजारमा भएको तीव्र नाफा बुकका कारण सुनको मूल्यमा गिरावट आएको जनाइएको छ । १० वर्षे अमेरिकी बोण्डको प्रतिफल एक सतााकै उच्च पुगेको छ । जसका कारण सुनप्रति लगानीकर्ताको आकर्षणमा कमी आएको छ ।  

यस्तै लगानीकर्ताको नजर शुक्रबार जारी हुने अमेरिकी रोजगारको आँकडामा रहेको छ ।  

आज चाँदीको मूल्य पनि घटेको छ । चाँदीको मूल्य ०.०१ डलरले घट्दै प्रतिऔंस ३२.५९ डलर पुगेको छ ।