अमेरिकी टेक कम्पनीहरुको बजार पूँजीकरण एकैदिन ७५० अर्ब डलरले घट्यो, सबैभन्दा धेरै गुमाउनेमा एप्पल

काठमाण्डौ । अमेरिकी सेयर बजारमा आएको गिरावटका कारण अमेरिकी टेक कम्पनीरुहको बजार पूँजीकरण व्यापक घटेको छ । एप्पल, माइक्रोसफ्ट, टेस्ला,एनभिडिया,अल्फाबेट,अमेजन र मेटाको बजार पूँजीकरण ७५० अर्ब डलरभन्दा बढीले घटेको छ ।  

यी ७ वटा कम्पनीमध्ये एप्पलको बजार पूँजीकरण सबैभन्दा धेरै घटेको छ । एप्पलको बजार पूँजीकरण १७४ अर्ब डलरले घटेको छ । यस्तै एनभिडियाको बजार पूँजीकरण १भ्४० अर्ब डलरले घटेको छ ।  

माइक्रोसफ्टको बजार पूँजीकरण ९८ अर्ब डलर, गूगलको माउ कम्पनी अल्फाबेटको ९५ अर्ब डलर,अमेजनको ५० अब र, मेटाको ७० अर्ब डलरले घटेको छ ।  

यी ७ कम्पनीहरुलाई अमेरिकाको ‘म्यानिफिसेन्ट सेभेन’भन्ने गरिन्छ । यी कम्पनीहरु बजार दबदबा, प्राविधिक प्रभाव र ग्राहकहरुको व्यवहार तथा आर्थिक ट्रेण्डलाई निर्धारण गर्ने कम्पनीको रुपमा परिचित छन् ।  

सोमबार अमेरिकी सेयर बजारमा आएको गिरावटका कारण यी कम्पनीहरुले ठूलो क्षति व्यहोर्नु परेको हो । नास्डक इन्डेक्स सन् २०२२ पछिकै उच्च घटेको छ । अमेरिकी राष्ट्रपति डोनाल्ड ट्रम्पले आफ्ना व्यवसायिक साझेदार देशहरुमाथि ट्यारिफ लगाउने घोषणा गरेसँगै लगानीकता आत्तिदा अमेरिकी सेयर बजारमा गिरावट आएको छ ।