उकालो लाग्यो सुनको मूल्य, कतिमा हुँदैछ कारोबार ?

काठमाण्डौ । अन्तराष्ट्रिय बजारमा सुनको मूल्यमा वृद्धि भएको छ । पछिल्लो २४ घण्टाको अवधिमा सुनको मूल्य ०.२७ प्रतिशत अर्थात प्रतिऔंस ५.५८ डलरले वृद्धि भएको हो ।

यो वृद्धिसागै सुनको मूल्य अन्तराष्ट्रिय बजारमा प्रतिऔंस २०३५.९९ डलर पुगेको छ ।

सुनकसँगै चाँदीको मूल्य पनि उकालो लागेको छ । पछिल्लो २४ घण्टाको अवधिमा चाँदीको मूल्य ०.०७ डलरले बढ्दै प्रतिऔंस २२.५१ डलर कायम भएको छ ।

नेपाली बजारमा भने छापावाला सुनको मूल्य प्रतितोला १ लाख १८ हजार २ सय रुपैयाँ र तेजावी सुनको मूल्य प्रतितोला १ लाख १७ हजार ६५० रुपैयाँमा कारोबार भईरहेको छ । चाँदीको मूल्य प्रतितोला १ हजार ३७५ रुपैयाँ रहेको छ ।