डिजिटल वित्तीय कारोबारमा यी हुन् महत्वपूर्ण तीन तहको सुरक्षा

NEPAL RASTRA BANK
मंगलवार, चैत्र १९,२०८१ 08:52:44

काठमाण्डौ । आधुनिक डिजिटल प्रविधिले हामीलाई सहज रूपमा वित्तीय सेवा प्रदान गरेको छ भने यसको दुरूपयोगको जोखिम पनि उत्तिकै बढेको छ । तसर्थ, उच्च सुरक्षाका साथ यस्ता प्रविधि प्रयोग गर्नु आवश्यक छ । यसको लागि तीन तहको सुरक्षा बुझ्न आवश्यक छ ।

१ तपाईंलाई मात्र थाहा हुनेः यो तहले तपाईंलाई मात्र थाहा हुने जानकारीलाई जनाउँछ । जसमा तपाईंको पासवर्ड, पिन नम्बर वा गोप्य प्रश्नको उत्तर समावेश हुन्छ । यस तहको सुरक्षा मुख्य रूपमा तपाईंको ज्ञान र सम्झनामा भर पर्छ ।

२. तपाईंसँग मात्र हुनेः यो तहमा त्यस्ता वस्तु पर्दछन्, जसको पहुँच केवल तपाईंसँग छ । जस्तैः तपाईंको मोबाइल फोन, बैंक कार्ड वा सुरक्षा टोकन । यी वस्तुले तपाईंको पहिचान प्रमाणित गर्न मद्दत गर्दछन् र तपाईंको वित्तीय कारोबारलाई सुरक्षा प्रदान गर्दछन् ।

३. तपाईंको आफ्नैः यसमा तपाईंको व्यक्तिगत बायोमेट्रिक विवरणहरू जस्तै औंठाछाप, अनुहार वा आँखाको स्क्यानिङ आदि पर्दछन् ।

डिजिटल वित्तीय कारोबारका लागि उल्लिखित प्रमाणीकरणका विधिहरू प्रयोग गर्नुपर्छ र यस्ता विवरण अत्यन्तै गोप्य राख्नुपर्छ ।