.gif)
(2).gif)
.jpg)
_(1).gif)
.png)
काठमाण्डौ । अमेरिकी राष्ट्रपति डोनाल्ड ट्रम्पले विदेशी अटो निर्माता कम्पनीहरुलाई नयाँ ट्यारिफ लगाउने घोषणा गरेसँगै एशियाली अटो कम्पनीहरुमाथि दबाब सिर्जाना भएको छ । ट्रम्पको निर्णयका कारण एशियाली अटो निर्माता कम्पनीहरुको सेयरमूल्यमा भारी गिरावट आएको छ ।
जापानी निर्माता टोयोटाको सेयरमूल्य तीनवटा सत्रमा ९.४ प्रतिशतले घटेको छ । यस्तै निस्सानको ९.३ र दक्षिण कोरियाको हुन्डाईको ११.२ प्रतिशतले घटेको छ । ट्रम्पको निर्णयका कारण जापानी कम्पनीहरु धेरै प्रभावित हुने जनाइएको छ । मुख्यतःजापानको दिग्गज कम्पनी टोयोटा यसबारे विशेष पभावित हुने जनाइएको छ । एशियाबाट अमेरिकामा सबैभन्दा धेरै सवारी साधन बिक्री गर्नेमा टोयोटा पहिलो स्थानमा रहेको छ । सन् २०२४ मा कम्पनीले १९ लाख ८० हजार युनिट कार सवारी बिक्री गरेको थियो । कम्पनीले घरेलु ब्राण्ड फोर्ड र चेभ्रोलेटलाई समेत पछि पारेको थियो ।
.gif)
जापानकै कम्पनीहरु निस्सान र होन्डा पनि क्रमशःसूचीको चौथो र पाचौं स्थानमा छन् । यस्तै दक्षिण कोरियाली कम्पनी हुन्डाई छैठौं र किया सातौं स्थानमा छन् ।
अमेरिकाले सन् २०२४ मा ४ खर्ब ७४ अर्ब डलरबराबरको अटोसम्बन्धी प्रडक्टहरु आयात गरेको थियो । यसमा प्यासेन्जर कारको मूल्य २ खर्ब २० अर्ब डलर रहेको छ ।
.png)
.jpg)
(1).gif)
.gif)
