अल टाइम हाईको उचाईबाट झर्यो सुनको भाउ,कतिमा हुँदैछ कारोबार ?

काठमाण्डौ । घरेलु बजारमा सुनको मूल्य अल टाइम हाईको उचाईबाट झरेको छ । आजको कारोबारमा सुनको मूल्य प्रतितोला ६ सय रुपैयाँले घटेको छ ।  

नेपाल सुनचाँदी व्यवसायी महासंघका अनुसार आज सुन प्रतितोला १ लाख ७९ हजार १ सय रुपैयाँमा कारोबार भईरहेको छ ।  

अघिल्लो दिन सुनको मूल्य हालसम्मकै उच्च कायम भएको थियो । मंगलबार सुनको मूल्य १८ सय रुपैयाँले बढ्दै प्रतितोला १ लाख ७९ हजार ७ सय रुपैयाँमा कारोबार भएको थियो ।  

आज चाँदीको मूल्यमा पनि गिरावट आएको छ । चाँदी आज १५ रुपैयाँले घट्दै प्रतितोला २ हजार २० रुपैयाँमा कारोबार भईरहेको छ । अघिल्लो दिन चाँदीको भाउ २ हजार ३५ रुपैयाँ कायम थियो ।