.gif)
_(1).gif)
.jpg)
.png)
काठमाण्डौ । म्युअुल फण्डहरुको माघ महिनामा प्रतिइकाई खुद सम्पत्ति मूल्य (न्याभ) घटेको छ । सञ्चालनमा रहेका ४३ वटा म्युचुअल फण्डमध्ये पुस महिनाको तुलनामा माघ महिनामा ४ वटा म्युचुअल फण्डको मात्रै न्याभ बढेको छ भने ३७ वटा म्युचुअल फण्डको न्याभ घट्न पुगेको हो ।
पछिल्लो समय सेयरबजारमा गिरावट आएसँगै म्युचुअल फण्डहरुको नाफासँगै न्याभ घट्न पुगेको छ। घट्दो बजारमा म्युचुअल फण्डहरुले सूचीकृत सेयरमा भने लगानी बढाएका छैन् । अधिकांश म्युचुअल फण्डले माघ महिनामा लगानीको दायरा बढाएको देखिन्छ ।
सेयरबजारमा सामूहिक लगानी कोष तथा म्युचुअल फण्डहरुको ठूलो लगानी रहेको हुन्छ । बजार चलायमान बनाउन म्युचुअल फण्डको योगदान रहेको हुन्छ । तर घट्दो बजारमा १८ वटा म्युचुअल फण्डहरुले लगानीको दायरा बढाउन सकिरहेका छैनन् ।
पछिल्लो केही समययता बैंकको विषयमा केही अफहाव फैलँदा लगानीकर्ताहरुको मनोबल कमजोर बन्दै गएको छ । साथै मौद्रिक नीतिको अर्धवार्षिक समिक्षामा पनि सेयरबजार उकासिने खालका गहकिलो नीति नहाउँदा बजार झनै घट्दै गइरहेको लगानीकर्ताहरु बताउँछन् ।
.gif)
सेयरबजारमा उतारचढाव आउँदा म्युचुअल फण्डहरुको न्याभ, खुद नाफा र लगानीमा प्रत्यक्ष असर देखिन्छ । केही समययता बजारमा लगातार गिरावट आउँदा माघ महिनामा अधिकांश म्युचुअल फण्डको न्याभ, नाफा घटेको छ भने लगानी भने बढेको छ ।
चारवटा म्युचुअल फण्डको मात्रै न्याभ बढ्यो
माघ महिनामा ४ वटा म्युचअल फण्डको मात्रै न्याभ बढेको छ । सबैभन्दा बढी हिमालयन ८०–२० को न्याभ १४ पैसाले बृद्धि भई १० रुपैयाँ ७ पैसा पुगेको छ । पुस महिनामा उक्त फण्डको न्याभ १०।५६ रुपैयाँ थियो ।
त्यस्तै, एनआइसी एशिया डायनामिक डेब्ट फण्डको ५ पैसाले बढेर १०.७७ रुपैयाँ, सिटिजन सुपर ३० को १ पैसाले बढेर १०.७८ रुपैयाँ र नबिल फ्लेक्सी क्याप फण्डको ०.०१ रुपैयाँले बढेर १०.३२ रुपैयाँ पुगेको छ ।
साथै एनआइबीएल स्टेबल फण्ड केही समयअघि मात्रै नेप्सेमा सूचीकृत भएकाले सो फण्डको न्याभ भने १० रुपैयाँ रहेको छमाघ महिनामा सबैभन्दा बढी न्याभ एनएमबी सुलभ इन्भेष्टमेन्ट फण्ड–२ को ११.२७ रुपैयाँ रहेको छ ।
त्यस्तै, सनराईज फर्स्ट म्युचुअल फण्डको ११.२५ रुपैयाँ, सानिमा इक्विटी फण्डको ११.१८ रुपैयाँ, कुमारी सुनौलो लगानी योजनाको ११.११ रुपैयाँ, एनआइसी एशिया सेलेक्ट–३० को ११.१० रुपैयाँ, एनआइसी एशिया फ्लेक्सी क्याप र एनआइसी एशिया ग्रोथ फण्डको ११ रुपैयाँ रहेको छ ।
कुनले कति कमाए नाफा ?
माघ महिनामा कुल ४३ म्युचुअल फण्डले ५० करोड २३ लाख रुपैयाँ खुद नाफा कमाएका छन् । तर उक्त नाफा पुस महिनाको तुलनामा भने ५१.०२ प्रतिशतले कम हो । पुसमा ४२ वटा म्युचुअल फण्ड (एनआइबीएल स्टेबल फण्ड माघमा सूचीकृत भएको)ले १ अर्ब २ करोड ५५ लाख रुपैयाँ खुद नाफा आर्जन गरेका थिए ।
पुस महिनाको तुलनामा माघ महिनामा जम्मा ४ वटा म्युचुअल फण्डले मात्रै नाफा बढाउन सफल भएका छन् ।
हिमालयन ८०–२० ले सर्वाधिक २५.१७ प्रतिशत, एनआइसी एशिया डायनामिक डेब्ट फण्डले ७.९५ प्रतिशत, नबिल फ्लेक्सी क्याप फण्डले २.९३ प्रतिशत र सिटिजन सुपर ३० म्युचुअल फण्डले ०.६५ प्रतिशतले नाफा बढाएका छन् ।
माघ महिनामा सबैभन्दा बढी नाफा कमाउनेमा भने एनआइसी एशिया ग्रोथ फण्ड रहेको छ । सो फण्डले माघमा ७ करोड ८९ लाख रुपैयाँ नाफा कमाउँदा दोस्रोमा प्रभु सेलेक्ट फण्डले ७ करोड २१ लाख रुपैयाँ नाफा आर्जन गरेको छ ।
त्यस्तै, हिमालयन ८०–२० ले ७ करोड ८१ हजार, एनआइसी एशिया फ्लेक्सी क्याप फण्डले ५ करोड ९९ लाख, आरबीबी म्युचुअल फण्ड २ ले ५ करोड ९२ लाख रुपैयाँ र आरबीबी म्युचुअल फण्ड–१ ले ५ करोड ३३ लाख रुपैयाँ नाफा कमाएका छन् ।
साथै माघ महिनामा मात्रै सूचीकृत भएको एनआइबीएल स्टेबल फण्डसहित १४ वटा म्युचुअल फण्ड भने घाटामा छन् । सबैभन्दा बढी लक्ष्मी इक्विटी फण्ड १४ करोड ५९ लाख रुपैयाँ घाटामा छ ।
सेयरबजारमा कुनको लगानी कति ?
म्युचुअल फण्डहरुले सेयरबजारमा २९ अर्ब ३२ करोड ८७ लाख रुपैयाँ लगानी गरेका छन् । सञ्चालमा रहेका ४३ वटा म्युचुअल फण्डमध्ये ४२ म्युचुअल फण्डले २९ अर्ब रुपैयाँ भन्दा बढी रकम सूचीकृत सेयरमा लगानी गरेका हुन् ।
यो लगानी पुस महिनाको तुलनामा १.६१ प्रतिशतले बढेको हो । सेयरबजारमा घट्दा म्युचुअल फण्डहरुले लगानीको दायरा बढाएका छन् । २४ वटा म्युचुअल फण्डले पुस महिनाको तुलनामा सेयरबजारमा लगानी बढाएको छ ।
माघ महिनामा सबैभन्दा बढी एनआइबीएल सहभागीता फण्डले १ अर्ब ६४ करोड ३३ लाख रुपैयाँ सेयरबजारमा लगानी गरेको छ ।
त्यस्तै, एनएमबी सरल बचत फण्ड–ई ले १ अर्ब २३ करोड, सिद्धार्थ इक्विटी फण्डले १ अर्ब ११ करोड, सानिमा इक्विटी फण्डले १ अर्ब ३ करोड, एनएमबी सुलभ इन्भेष्टमेन्ट फण्ड–२ ले १ अर्ब ३ करोड र एनएमबी ५० ले १ अर्ब १ करोड रुपैयाँ सेयरबजारमा लगानी गरेको छ ।
साथै पुस महिनाको तुलनामा माघ महिनामा सबैभन्दा बढी लगानी बढाउनेमा हिमालयन ८०–२० रहेको छ । सो फण्डले सूचीकृत सेयरमा लगानी ४५.१९ प्रतिशतले बढाएको छ ।
त्यस्तै, एनआइसी एशिया ग्रोथ फण्ड–२ ले २५.५५ प्रतिशत, प्रभु स्मार्ट फण्डले १२.८४ प्रतिशत, सिटिजन म्युचुअल फण्ड–२ ले ११.७९ प्रतिशत, कुमारी सुनौलो लगानी योजनाले १०.७५ प्रतिशत र सिद्धार्थ सिस्टमेटिक इन्भेष्टमेन्ट स्किमले ७.९८ प्रतिशतले लगानी बढाएको छ ।
.png)
.jpg)
.gif)
.gif)
.gif)
