काठमाण्डौ । अघिल्लो दिन हालसम्मकै उच्च कायम भएको सुनको भाउ आज ह्वात्तै घटेको छ । स्थानिय बजारमा शुक्रबार सुनको मूल्य प्रतितोला ३ हजार ९ सय रुपैयाँले घटेको छ ।
नेपाल सुनचाँदी व्यवसायी महासंघले दिएको जानकारी अनुसार आज सुनको मूल्य प्रतितोला १ लाख ७६ हजार ४ सय रुपैयाँमा कारोबार भईरहेको छ ।
अघिल्लो दिन सुनको भाउ हालसम्मकै उच्च कायम भएको थियो । उक्त दिन १२ सय रुपैयाँले बढ्दै सुनको मूल्य प्रतितोला १ लाख ८० हजार ३ सय रुपैयाँ पुगेको थियो ।
आज चाँदीको भाउमा समेत उच्च गिरावट आएको छ । चाँदीको भाउ १२५ रुपैयाँले घट्दै प्रतितोला १ हजार ८७० रुपैयाँ कायम भएको छ ।