रवि लामिछानेलाई थुनामा पठाउने उच्च अदालतको आदेश

काठमाण्डौ । रास्वपाका सभापति रवि लामिछानेलाई थुनामा पठाउन उच्च अदालत तुलसीपुरको बुटवल इजलासले आदेश दिएको छ ।  

यसअघिको जिल्ला अदालत रुपन्देहीको आदेश बदर गर्दै उच्च अदालतले लामिछानेलाई थुनामा पठाउने आदेश दिएको हो । 

जिल्ला अदालत रुपन्देहीले रविलाई १ करोड धरौटीमा रिहा गर्न आदेश दिएको थियो । सोही आदेशविरुद्ध गरिएको पुनरावेदनमा न्यायाधीशद्वय रमेश ढकाल र स्वीकृति पराजुलीको संयुक्त इजलासले रविलाई जिल्ला अदालत रुपन्देहीको आदेश बदर गर्दै थुनामा पठाउन भनेको हो ।