सुनको मूल्य हालसम्मकै उच्च, प्रतितोला कति पुग्यो भाउ ?

काठमाण्डौ । सुनको मूल्यले फेरि नयाँ रेकर्ड कायम गरेको छ । नेपाली बजारमा आज सुनको मूल्य प्रतितोला १२ सय रुपैयाँले बढ्दै किर्तिमानी उचाईमा पुगेको हो ।  

नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ लाख ९१ हजार कायम भएको छ । यो मूल्य स्थानिय बजारमा कारोबार भएको हालसम्मकै उच्च हो ।  

यसअघि गत वैशाख ४ गते सुनको भाउ हालसम्मकै उच्च कायम थियो । उक्त दिन सुनको भाउ ३ हजार ६ सय रुपैयाँले बढ्दै प्रतितोला १ लाख ९० हजार ६ सय पुगेको थियो ।  

आइतबार भने सुनको मूल्य प्रतितोला १ लाख ८९ हजार ८ सयमा कारोबार भएको थियो ।  

आज चाँदीको भाउ भने स्थिर रहेको छ । चाँदी आज आइतबारकै मूल्यमा अर्थात प्रतितोला १ हजार ९६० रुपैयाँमा कारोबार भईरहेको छ ।