उच्चस्तरीय आर्थिक सुधार सुझाव आयोगको प्रतिवेदन कार्यान्वयन गर्ने सरकारको घोषणा

काठमाण्डौ । राष्ट्रपति रामचन्द्र पौडेलले सरकारको तर्फबाट आगामी आर्थिक वर्षको नीति तथा कार्यक्रम प्रस्तुत गरिरहेका छन् ।  

यो क्रममा उनले उच्चस्तरीय आर्थिक सुधार सुझाव आयोगको प्रतिवेदनमा कार्यान्व्यनमा ल्याई अर्थतन्त्रलाई गतिशील बनाइने घोषणा गरेका छन् । 

सरकारले केही महिनाअघि पूर्व अर्थसचिव रामेश्वर खनालको संयोजकत्वमा उच्चस्तरीय आर्थिक सुधार सुझाव आयोग गठन गरेको थियो । सो आयोगले केही साताअघि सरकारलाई आफ्नो प्रतिवेदन बुझाइसकेको छ । प्रतिवेदनमा अर्थतन्त्रको आमूल सुधारका लागि निकै महत्वपूर्ण सुधारका सुझावहरु समेटिएका छन् । 

सरकारले आगामी आर्थिक वर्षको नीति तथा कार्यक्रममा सोही प्रतिवेदन कार्यान्वयनको घोषणा गरेको हो ।  

सो प्रतिवेदन कार्यान्वयनपछि अर्थतन्त्रमा देखिएका ठूला समस्या समाधान भई अर्थतन्त्र गतिशील बन्ने आम अपेक्षा छ ।