वर्षाका कारण नारायणगढ बुटवल सडक खण्ड अवरुद्ध

काठमाण्डौ । पूर्व पश्चिम राजमार्गअन्तर्गतको दाउन्ने खण्ड अवरुद्ध भएको छ । वर्षाको कारण बाटो सडक हिलो र चिप्लो हुँदा दाउन्ने खण्ड अवरुद्ध भएको हो ।

गए राती देखिको वर्षाले दाउन्नेमा बाटो हिलो र चिप्लो भएका कारण सवारी साधनहरू आवतजावत गर्न कठिनाइ भएसँगै राजमार्ग पूर्ण रूपमा अवरुद्ध भएको छ ।

सडक अवरुद्ध हुँदा सयौँ सवारी साधन र यात्रुहरू अलपत्र परेका छन् ।

अहिले दाउन्ने खण्डमा पहाड काट्ने, पर्खाल लगाउने र कल्भर्ट निर्माणको काम भइरहेको अवस्थामा वर्षाले सडक अवरुद्ध बनाएको हो । दाउन्ने क्षेत्रमा आगामी वैशाख ३१ गते सम्म राति ११ बजे देखि बिहान ५ बजे सम्म आवागमन रोकेर विस्तारको काम भइरहेको छ ।