हाफ हेभनको अफर: भक्तपुरको कोलोनीमा घडेरी बुक गर्ने ५ जनालाई मिनी इभी उपहार

काठमाण्डौ । हाफ हेभन कोलोनीले भक्तपुरमा घर वा जग्गा बुक गर्नेहरूलाई मिनी ईभी उपहारको योजना घोषणा गरेको छ । कम्पनीले नयाँ वर्ष २०८२ को अवसरमा कोलोनीमा घडेरी वा घर खरिद गर्ने पहिलो ५ जनालाई मिनी ईभी उपहार दिने भएको हो ।  

द पारामारियो ग्रुप अफ कम्पनी र खड्का एड्भेन्चरको सहकार्यमा भक्तपुरको छालिङमा १५६ रोपनी जग्गामा ३७२ वटा घर घडेरीसहितको परियोजना सञ्चालन गरेको छ । सो मध्ये ४६ रोपनी जग्गा बाटो, खुला क्षेत्र र पार्कका लागि छुट्ट्याइएको छ । कम्पनीले सप्तान्त अफरअन्तर्गत जग्गा बैना गर्ने पहिलो ५ जनालाई एमएडब्लू वृद्धि मोटर्स प्रालिले आयात गरेको इभी गाडी घडेरी बैना गरेकै दिन दिने जनाएको छ ।  

यो योजना बैशाख मसान्तसम्मको लागि लागू हुने र सो पश्चात अफरलाई निरन्तरता दिने नदिने अर्को निर्णय हुने बताइएको छ ।

काठमाण्डौ उपत्यकाका सबै मुख्य सहरबाट बढीमा आधा घन्टाको यात्रामा पुगिने शान्त वातावरण र मनोरम दृश्यसहितको कोलोनीले काठमाडौँ उपत्यका विकास प्राधिकरणबाट स्वीकृति प्राप्त गरेको कम्पनीले जनाएको छ । कोलोनीमा घर–घडेरी बुझ्न जाने भिजिटरहरूमध्येबाट १ जनालाई गोलाप्रथा मार्फत् एउटा घडेरी उपहार दिने कम्पनीले जनाएको छ ।

कोलोनीमा २० देखि २६ फुटको कालोपत्रे बाटो, हेलिप्याड, स्विमिङ पुल, ढल, बिजुली, खानेपानी, रिसोर्ट, मार्टलगायत सुविधा उपलब्ध हुने जनाइएको छ । हाल यहाँ जमिन तयार गर्नेसहित आवश्यक तयारी भइरहेको र आगामी भदौ महिनाबाट घर निर्माण सुरु हुने कम्पनीले जनाएको छ ।  

कम्पनीले जग्गा खरिदमा १५ वर्षका लागि ९ प्रतिशत ब्याजदरमा ६० प्रतिशतसम्म फाइनान्स सुविधा रहेको जनाएको छ । कम्तीमा ३ आना २ पैसाभन्दा माथिका टुक्रा उपलब्ध रहेको कोलोनीमा हरेक घडेरी खरिदकर्तालाई यामाहाको स्कुटर उपहार दिने पनि कम्पनीले जनाएको छ । चलनचल्तीको मूल्यमा सेवाग्राहीले घडेरी किन्न सक्ने कम्पनीले जनाएको छ । मैतीदेवीस्थित सस्तो घर जग्गा खरिद बिक्रीको कार्यालयमा सम्पर्क गर्न सकिने विज्ञप्तिमा उल्लेख छ ।