.gif)
_(1).gif)
.png)
काठमाण्डौ । सुनको मूल्य ‘अल टाइम हाई’ नजिक पुगेको छ । पछिल्लो समय निरन्तर वृद्धि भईरहेका कारण सुनको मूल्य अहिलेसम्मकै उच्च विन्दु नजिक पुगेको हो । पछिल्लो २४ घण्टाको अवधिमा अन्तराष्ट्रिय बजारमा सुनको मूल्य ०.४८ प्रतिशत अर्थात १०.०५ डलरले बढेको छ ।
योसँगै अन्तराष्ट्रिय बजारमा सुनको मूल्य प्रतिऔंस २ हजार १२४.७ डलर कायम भएको छ ।
यस्तै चाँदीको मूल्यमा भने गिरावट आएको छ । चाँदीको मूल्य १.४६ प्रतिशत अर्थात ०.३५ डलरले घट्दै प्रतिऔंस २३.६ डलर पुगेको छ ।
(1).gif)
यसअघि गत वर्षको डिसेम्बर ४ मा सुनको मूल्य अहिलेसम्मकै उच्च विन्दुमा पुगेको थियो । त्यसबेला सुनको मूल्य प्रतिऔंस २ हजार १३५.४० डलर पुगेको थियो । जुन अहिलेसम्मकै धेरै हो ।
अमेरिकी केन्द्रीय बैंक फेडरेल रिजर्भ(फेड)ले जुन महिनाका लागि ब्याजदरमा कटौती गर्ने सम्भावनाका बीच सुनको मूल्यमा व्यापक वृद्धि भईरहेको छ । सुनको मूल्य र ब्याजदरबीच अप्रत्यक्ष सम्बन्ध रहेको छ । ब्याजदर घट्दा सुनको मूल्य बढ्ने गर्छ भने ब्याजदर बढ्दा घट्ने गर्छ । ब्याजदर कम हुँदा लगानीकर्ताले अन्य वैकल्पिक लगानी जस्तै बोन्डको तुलनामा सुनमा लगानी गर्न उपयुक्त ठान्ने गर्छन । बोन्डले ब्याजदर कम भएका बेला कमजोर प्रतिफल दिने गर्छ ।
अर्कोतर्फ ब्याजदर कम हुँदा डलर कमजोर हुने गर्छ । जसका कारण अन्तराष्ट्रिय बिक्रीकर्ताका लागि सुनको मूल्य सस्तो पर्न जान्छ । अन्ततःयसले सुनको माग बढाउँछ ।
विश्लेषकहरुले यस वर्ष सुनको मूल्य सजिलै सँग नयाँ–नयाँ रेकर्ड बनाउने बताएका छन् ।
.gif)
.png)
.jpg)
(101).jpg)
.jpg)
.jpg)
(100).jpg)
.gif)
.gif)
