नागढुंगा–नौबिसे सडकखण्ड जेठ १० गतेदेखि दिउँसो साढे ४ घण्टा बन्द गरिने

काठमाण्डौ । नागढुङ्गा–नौबिसे सडकखण्ड दिउँसो साढे ४ घण्टा बन्द हुने भएको छ । यो खडकखण्ड यही जेठ १० गतेदेखि २५ गतेसम्म बिहान १०ः३० बजेदेखि दिउँसो ३ बजेसम्म बन्द गरेर निर्माण कार्य अघि बढाइने भएको हो ।  

यसअघि भने यो खण्डमा रातिमा बन्द गरेर काम हुँदै आएको थियो ।  

निर्माण आयोजनाले नागढुङ्गा पिपलामोड सडक निर्माणका लागि यसअघि राति भत्काउने काम भएको र अब निर्माण दिउँसो गर्नुपर्ने भनेर प्रस्ताव आएको जनाएको छ।  

यससँगै काठमाण्डौबाट जाने सवारीसाधन नागढुङ्गामा र नौबिसेतर्फबाट आउने सवारीसाधन खानीखोलामा रोकिने भएको छ । बन्दको समयमा धार्के–सितापाइला तथा टोखा–छहरे त्रिशूली गल्छी सडक प्रयोग गर्न नारायणगढ–मुग्लिन सडक योजना (पूर्वी खण्ड)ले आग्रह गरेको छ ।