रासायनिक मल अनुदानका लागि रु.२८.८२ अर्ब विनियोजन

काठमाण्डौ । सरकारले आगामी आवको बजेटमा रासायनिक मल अनुदानका लागि पौने २९ अर्ब रुपैयाँ विनियोजन गरेको छ ।

अर्थमन्त्री विष्णु प्रसाद पौडेलले संघीय संसदको संयुक्त बैठकमा बजेट पेश गर्दै आगामी आवको बजेटमा रासायनिक मल अनुदानका लागि २८ अर्ब ८२ करोड रुपैयाँ विनियोजन गरेको हो ।

साथै आगामी आवको बजेटमा रासायनिक मल व्यवस्थाका लागि कलकारखाना निर्माणमा सरकारले आवश्यक प्रक्रिया अघि बढाउनेछ । माटोको गुणस्तर भने कायम राख्ने अर्थमन्त्री पौडेलले जनाएको छ ।