.gif)
(2).gif)
_(1).gif)
.png)
काठमाण्डौ । कालिका लघुवित्त वित्तीय संस्था लिमिटेडको १४ औं वार्षिक साधारण सभा आज आयोजना हुन गईरहेको छ । गत माघ २५ गतेको सञ्चालक समितिको बैठकको निर्णय बमोजिम उक्त सभा पोखरामा रहेको होटल टास्क इन्टरनेशनलमा आयोजना हुन लागेको हो ।
उक्त सभामा एक वा एकभन्दा बढी वित्तीय संस्थालाई गाभ्ने÷गाभिने तथा प्राप्ति गर्ने र सो कार्यका लागि सञ्चालक समितिलाई पूर्ण अख्तियारी प्रदान गर्ने विशेष प्रस्ताव पारित गरिनेछ । सभामा आव २०७९/८० को सञ्चालक समितिको वार्षिक प्रतिवेदनमाथि छलफल गरी पारित गरिनेछ।
यस्तै लेखापरीक्षकको प्रतिवेदन सहित २०८० असार मसान्तको वासलात, नाफा नोक्सान हिसाब र सोहि अवधिको नगद प्रवाह विवरण लगायतका वित्तीय विवरणहरुमाथि छलफल गरी पारित गरिनुका साथै चालु आव २०८०/८१ को लेखापरीक्षणका लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्ताव समेत पारित गरिनेछ।
यस्तै सभामा संस्थापक सेयरधनीका तर्फबाट प्रतिनिधित्व गर्ने एक जना महिला सञ्चालकको निर्वाचन गर्ने प्रस्ताव समेत पारित हुनेछ ।
साधारण सभा प्रयोजनका लागि संस्थाले गत फागुन १४ गतेदेखि २४ गतेसम्म बुक क्लोज गर्ने निर्णय गरेको थियो । यसर्थ फागुन १३ गतेसम्म नेप्सेमा कारोबार भई कायम भएका सेयरधनीहरुमात्रै यो सभामा सहभागी हुनका लागि योग्य हुनेछन् ।
.gif)
.png)
.jpg)
.jpg)
(6).png)
(52).jpg)
(1).gif)
