जेभियर इन्टरनेशनल स्कूललाई १३ वटा फोटोन माउन्टेन इभी भ्यान हस्तान्तरण

काठमाण्डौ । एमएडब्लु वृद्धि कमर्सियल भेइकलले जेभियर इन्टरनेशनल स्कूललाई १३ वटा नयाँ फोटोन माउन्टेन ईलेक्ट्रिक स्कुल भ्यानहरू हस्तान्तरण गरेको छ । कम्पनीले एक औपचारिक कार्यक्रमको आयेजना गरी उक्त भ्यान हस्तान्तरण गरेको हो । यो औपचारिक साँचो हस्तान्तरण कार्यक्रम काठमाण्डौमा आयोजना गरिएको थियो ।  जसमा एमएडब्लु वृद्धि र जेभियर स्कूलका प्रतिनिधिहरूको उपस्थिति थियो।

फोटोन माउन्टेन इभी एक आधुनिक, प्रदूषणमुक्त भ्यान हो । जुन भरपर्दो प्रदर्शन, सहजता र ऊर्जा दक्षताको लागि डिजाइन गरिएको छ । यो विशेष गरी विद्यालयका विद्यार्थीहरूको सुरक्षित र भरपर्दो यातायातका लागि उपयुक्त रहेको कम्पनीको भनाई छ । यसमा ५३.५८ किलोवाटको सीएटीएल ब्याट्री र १३० किलोवाट क्षमताको मोटर जडान गरिएको छ । 

जसले ३३० एनएमसम्मको टर्क दिन्छ र चुनौतिपूर्ण बाटाहरूमा सहजता प्रदान गर्छ।यसले उकालो चढ्नका लागि २५ प्रतिशत ग्रेडियाबिलिटी क्षमतासहित पहाडी तथा सहरी बाटोहरूमा सहजता प्रदान गर्छ। यो भ्यानको चौडा भित्री भाग, कम सञ्चालन खर्च र वातावरणमैत्री प्रविधिले जेभियर ईन्टरनेसनल स्कुल जस्ता विद्यालयका लागि दीर्घकालीन र स्मार्ट समाधान बनाएको कम्पनीले उल्लेख गरेको छ।

यी भ्यानहरू एमएडब्लु वृद्धिका सीईओ तुषार गुप्ता र सेल्स हेड नवीन आचार्यले विद्यालयलाई हस्तान्तरण गरेका हुन्। एमएडब्लु वृद्धि, नेपालमा फोटोन मोटर्सको आधिकारिक आयातकर्ता कम्पनी हो। foton