सुनको मूल्य १७ डलरले घट्यो, प्रतिऔंस कति पुग्यो भाउ ?

Gold
सोमबार, जेष्ठ २६,२०८२ 09:29:21

काठमाण्डौ । अन्तर्राष्ट्रिय बजारमा सुनको मूल्यमा गिरावट आएको छ । आज सुनको मूल्य ०.५२ प्रतिशत अर्थात १७.२९ डलरले घटेको छ ।

यो गिरावटसँगै सुनको कारोबार प्रतिऔंस ३ हजार ३०६ डलरमा भईरहेको छ । चीन र अमेरिकाबीच आज बेलायतको लण्डनमा हुन गईरहेको व्यापार वार्ताले दुई देशहरुबीचको सम्बन्धमा सुधार आउने अपेक्षाका कारण आज सुनको मूल्यमा गिरावट आएको विश्लेषकहरुले बताएका छन् ।

यस्तै अमेरिकामा रोजगारीको तथ्यांक अपेक्षा गरेभन्दा राम्रो आएकाले फेडरल रिजर्भले ब्याजदरमा कटौती गर्ने सम्भावना कम बनेसँगै समेत सुनको मूल्य ओरालो लागेको हो । मे महिनामा ओरिकामा १ लाख ३९ हजारले काम पाएका छन् । यो संख्या विश्लेषकहरुले अनुमान गरेभन्दा बढी हो । यद्यपी बेरोजगार दरमा स्थिर अर्थात ४.२ प्रतिशत रहेको छ ।

आज चाँदीको मूल्य समेत घटेको छ । चाँदी ०.०३ प्रतिशतले घट्दै प्रतिऔंस ३५.९६ डलरमा कारोबार भईरहेको छ ।