सुनको मूल्य छोइनसक्नु, आज पनि प्रतितोला १ हजारले बढ्यो

Gold
आईतवार, फाल्गुन २७,२०८० 10:32:51

काठमाण्डौ । आज पनि नेपाली बजारमा सुनको मूल्य वृद्धि भएको छ। नेपाल सुनचाँदी व्यवसायी महासंघका अनुसार आज छापावाला र तेजावी सुनको मूल्य प्रतितोला १ हजार रुपैयाँले वृद्धि भएको हो ।

यसससँगै आज छापावाला सुनको मूल्य प्रतितोला १ लाख २६ हजार रुपैयाँ र तेजावी सुनको मूल्य प्रतितोला १ लाख २५ हजार ४ सय रुपैयाँ पुगेको छ । यो मूल्य महिलेसम्मकै उच्च हो । अघिल्लो दिनसम्म छापावाला सुनको मूल्य प्रतितोला १ लाख २५ हजार रुपैयाँ र तेजावी सुनको मूल्य प्रतितोला १ लाख २४ हजार ४ सय रुपैयाँ कायम थियो ।

गत फागुन १७ गतेदेखि नेपाली बजारमा सुनको मूल्य निरन्तर वृद्धि भईरहेको छ । फागुन १७ गते प्रतितोला २ सयले वृद्धि भएको सुनको मूल्य फागुन १८ गते ६ सय,फागुन २० गते २ हजार,फागुन २२ गते २ हजार,फागुन २३ गते ५ सय र फागुन २४ गते १ हजार ५ सय रुपैयाँले वृद्धि भएको थियो । यसरी एक साताको अवधिमा सुनको मूल्य प्रतितोला ७ हजार ८ सय रुपैयाँले वृद्धि भईसकेको छ ।

आज चाँदीको मूल्य पनि प्रतितोला ५ रुपैयाँले बढेको छ ।चाँदीको मूल्य प्रतितोला १ हजार ४७५ रुपैयाँमा कारोबार भईहरको छ ।

अन्तराष्ट्रिय बजारमा सुनको मूल्यमा भईरहेको वृद्धिको प्रभाव नेपाली बजारमा समेत परिरहरेको छ । अमेरिकी केन्द्रीय बैंकले ब्याजदरमा कटौती गर्ने सम्भावना,बढ्दो मुद्रास्फिती, विश्वका केन्द्रीय बैंकले सुनको भण्डारमा गरेको वृद्धि र बदलिदो भू–राजनीतिक घटना जस्ता कारणले अन्तराष्ट्रिय बजारमा पछिल्लो समय सुनको मूल्य व्यापक वृद्धि भईरहेको छ ।