आज कुन तरकारीको मूल्य कतिले भयो घटबढ ?

काठमाण्डौ । कालिमाटी फलफुल तथा तरकारी बजार विकास समितिले आजका लागि कृषि उपजहरूको थोक मूल्य सार्वजनिक गरेको छ । जसअनुसार आज पालूङ्गो सागको मूल्य ५७ प्रतिशतले बढेको छ । यससँगै पालूङ्गो सागको मूल्य औषत प्रतिकेजी मूल्य ५५ रुपैयाँ कायम भएको छ । अघिल्लो दिन भने पालूङ्गो सागको औषत प्रतिकेजी मूल्य ३५ रुपैयाँ कायम थियो ।  

त्यस्तै आज रायो सागको मूल्य ३१ प्रतिशतले बढेर ५४ रुपैयाँ, चमसुरको साग १६ प्रतिशतले बढेर ३५ रुपैयाँ, काउली स्थानिय ५ प्रतिशतले बढेर ७५ रुपैयाँ, मूला रातो ५ प्रतिशतले बढेर ४१ रुपैयाँ, मूला सेतो लोकल ३ प्रतिशतले बढेर २८ रुपैयाँ, आलु रातो २ प्रतिशत बढेर ४३ रुपैयाँ, गाजर तराई ५ प्रतिशतले बढेर ४९ रुपैयाँ,न्यूरो ३० प्रतिशतले बढेर ३४ रुपैयाँ,सजिवन १० प्रतिशतले बढेर १६६ रुपैयाँ, घिउ सिमी लोकल ३ प्रतिशतले बढेर ५४ रुपैयाँ कायम भएको छ ।  

यस्तै आज भन्टा लाम्चोको मूल्य ३१ प्रतिशतले घटेर १३ रुपैयाँ, बोडी तने ५ प्रतिशतले घटेर ३४ रुपैयाँ, तिते करेला ६ प्रतिशतले घटेर २९ रुपैयाँ, लौका ३ प्रतिशतले घटेर २६ रुपैयाँ, परवल ५ प्रतिशतले घटेर ३३ रुपैयाँ, घिरौला ७ प्रतिशतले घटेर ५० रुपैयाँ, हरियो फर्सी डल्लो १६ प्रतिशतले घटेर ३० रुपैयाँ र ब्रोकाउली १६ प्रतिशतले घटेर ५८ रुपैयाँ कायम भएको छ ।