बुङ्गल हाइड्रोपावरले पायो आइपीओ निष्कासनको अनुमति

काठमाण्डौ । बुङ्गल हाइड्रोपावर लिमिटेडले आइपीओ निष्कासनको अनुमति पाएको छ । नेपाल धितोपत्र बोर्डले कम्पनीलाई आइपीओ निष्कासने अनुमति दिएको हो ।

कम्पनीले १०० रुपैयाँ अंकित मूल्यमा २९ करोड ५ लाख रुपैयाँ बराबरको कुल २९ लाख ५ हजार कित्ता आइपीओ निष्कासन गर्न अनुमति पाएको हो ।

कम्पनीले पहिलो चरणमा आयोजना प्रभावित स्थानीय निकाय र वैदेशिक रोजगारमा गएकाहरुका लागि आइपीओ जारी गरेपश्चात् दोस्रो चरणमा सर्वसाधारणका लागि निष्कासन गर्नेछ ।

कम्पनीको धितोपत्र निष्कासन तथा बिक्री प्रबन्धकमा हिमालयन क्यापिटल लिमिटेड रहेको छ ।