भीषण बाढीले रसुवागढी नाकाको मितेरी पुल बगायो, जाँचपासका लागि राखिएका गाडी बगे

काठमाण्डौ । भोटेकोशीमा नदिमा आएको भीषण बाढीले चीनसँगको व्यापारिक रसुवागढी नाकामा रहेको मितेरी पुल बगाएको छ । मंगलबार बिहान आएको बाढीले नेपाल(चीन जोड्ने मितेरी पुल बगाएपछि नेपाल–चीन सम्पर्क टुटेको छ ।

उक्त बाढीले सुख्खा बन्दरगाहमा समेत क्षति पुगेको छ । बाढीका कारण बन्दरगाहमा जाँचपासका लागि राखिएका ईभी गाडीहरु बगाएको छ । बाढीले रसुवागढी जलविद्युत आयोजनाको ड्याममा पनि क्षति पुगेको छ । बाढी आएपछि आयोजनामा कार्यरत कर्मचारीहरु भागेर सुरक्षित स्थानमा रहेको र उनीहरुको उद्धार कार्य जारी रहेको जनाइएको छ ।

आयोजनाको विद्युत् उत्पादन गृहमा भने क्षति नपुगेको जनाइएको छ ।