(1).gif)
(2).gif)
(1).gif)
.png)
काठमाण्डौ । रोपाइँमा सन्तोषजनक प्रगति नहुँदा यो वर्ष धान उत्पादन घट्ने अनुमान गरिएको छ । कृषि तथा पशुपन्छी विकास मन्त्रालयका अनुसार आइतबारसम्म मुलुकभर नौ लाख ९८ हजार २२८ हेक्टर (७२.१४ प्रतिशत) मात्र धान रोपाइँ भएको छ । गत वर्ष यही अवधिमा मुलुकभरमा ८४.६ प्रतिशत रोपाइँ सकिएको थियो ।
यो वर्ष हालसम्म सबैभन्दा धेरै सुदूरपश्चिम प्रदेशमा ९६.९९ प्रतिशत एक लाख ७० हजार ८४३ हेक्टरमा धान रोपाइँ भएको छ । यस्तै सबैभन्दा कम (४६.८३ प्रतिशत) एक लाख ७४ हजार ५०८ हेक्टर क्षेत्रफलमा धान रोपाइँ सकिएको छ ।
.gif)
यसैगरी कोशी प्रदेशमा ६१.७९ अर्थात् एक लाख ७० हजार ७९० हेक्टर, बागमती प्रदेशमा ८७.१९ प्रतिशत अर्थात् एक लाख २० हजार ५४५ हेक्टर, गण्डकी प्रदेशमा ७९.२८ प्रतिशत अर्थात् ९४ हजार १८२ हेक्टर, लुम्बिनी प्रदेशमा ८७.९३ प्रतिशत र कर्णाली प्रदेशमा तीन लाख दुई हजार ९३९ हेक्टरमा धान रोपाइँ सकिएको छ ।
यो वर्ष देशभर १३ लाख ८३ हजार ७३२ हेक्टरमा धान रोपाइँ हुने अनुमान गरिएको छ । गत आवमा १४ लाख २० हजार हेक्टरमा धान रोपाइँ भएको थियो ।
.png)
.jpg)
