मिड सोलु हाईड्रोको लाभांश घोषणा

काठमाण्डौ । मिड सोलु हाईड्रो लिमिटेडले लाभांश घोषणा गरेको छ । भदौ १२ गते बसेको कम्पनीको सञ्चालक समितिको बैठकले गत आवका लागि सेयरधनीहरुलाई लाभांश घोषणा गर्ने निर्णय गरेको हो ।

बैठकले आव २०८१/८२ सम्मको खुद मुनाफबाट १५ प्रतिशत बोनस र कर प्रयोजनका लागि ०.७८९ प्रतिशत नगद लाभांश प्रदान गर्ने निर्णय गरेको छ ।

प्रस्तावित लाभांश स्वीकृतीका लागि नेपाल विद्युत नियमन आयोगमा पठाउने र स्वीकृत भएपश्चात कम्पनीको आगामी वार्षिक साधारण सभाबाट अनुमोदन गरी वितरण गर्ने निर्णय समेत बैठकले गरेको कम्पनीले जनाएको छ ।