गृहमन्त्रीले राजीनामा दिने

काठमाण्डौ । सामाजिक सञ्जाल बन्दविरुद्धको प्रदर्शनमा ठूलो जनधनको क्षति भएपछि गृहमन्त्री रमेश लेखकले आफू पदमा नरहने संकेत गरेका छन्।

सोमबार साँझ सभापति शेरबहादुर देउवाको बूढानीलकण्ठ निवासमा बसेको पदाधिकारी तथा पूर्वपदाधिकारी बैठकमा उनले यस्तो धारणा व्यक्त गरेका हुन्।

बैठकमा सहभागी एक पदाधिकारीका अनुसार, लेखकले घटनामा ठूलो मानवीय क्षति भएको उल्लेख गर्दै नैतिक जिम्मेवारीका आधारमा पद त्याग्ने सोच सार्वजनिक गरेका हुन्।

उनलाई उद्धृत गर्दै स्रोतले भनेको छ, “आजको प्रदर्शनले ठूलो जनधनको क्षति पुर्‍याएको छ। यसको नैतिक जिम्मेवारी म लिन्छु, त्यसैले पदमा बसिरहन सक्दिनँ।”