लुटिएको सामान फिर्ता गर्न संघीय संसद् सचिवालयको आग्रह

काठमाण्डौ । संघीय संसद् सचिवालयले संसद् भवनबाट लुटिएको सामान फिर्ता गर्न आग्रह गरेको छ । सचिवाललयले आज एक सूचना जारी गर्दै यही भदौ २४ गते भएको जेनजी प्रदर्शनका क्रममा संसद् भवनबाट लगिएको सामान फिर्ता गर्न आग्रह गरेको हो ।

सूचनामा संघीय संसद् सचिवालयको स्वामित्वमा रहेका टेबल, कुर्सी, कम्प्युटर, प्रिन्टर, स्क्यानर, क्यामेर, टेलिभिजन, मोनिटर, माइक, मिक्स्चर, स्पिकर, फोटोकपी मेसिन, विद्युतीय उपकरणलगायतका सामान अनधिकृत व्यक्तिले लगेको भन्ने बुझिएको उल्लेख गर्दै ती सामान फिर्ता गर्न आग्रह गरिएको छ ।

‘उल्लिखित मालसामान लगेको भिडिओ भएमा उपलब्ध गराई सहयोग गरिदिनुहुन हार्दिक आह्वान गरिन्छ, भिडिओ÷सूचना दिने व्यक्तिको परिचय गोप्य राखिने छ,’ सूचनामा उल्लेख छ ।