.gif)
_(1).gif)
.png)
काठमाण्डौ । वर्तमान समयमा स्मार्टफोन हाम्रो दैनिक जीवनको अभिन्न अंग भईसकेको छ । फोनबिनाको संसार कल्पना गर्न पनि नसक्ने अवस्थामा मानव जाति पुगिसकेको छ । अफिसमा मेल पठाउन होस् वा सामाजिक सञ्जालमा कुनै भिडियो हेर्नु नै किन नहोस्,हामीलाई स्मार्टफोन नै चाहिन्छ । स्मार्टफोनको प्रयोगबाट हाम्रो शरीरमा थुप्रै प्रभावहरु समेत पर्ने गर्छ । जसबारे हाम्रो त्यति धेरै ध्यान जाने गर्देन ।
स्मार्टफोन चलाउँदा सबैभन्दा धेरै असर आखामा पर्नेबारे चर्चा हुने गरेको छ । त्यसैले हाम्रो ध्यान धेरैजसो स्क्रिन टाइममा जाने गर्छ । तर के तपाईले केहिल्यै विचार गर्नु भएको छ कि स्मार्टफोनबाट हाम्रो हातमा कस्तो असर पर्छ भनेर ?
स्मार्टफोनले औंलामा कस्तो असर पार्छ ?
रिपोर्टका अनुसार स्मार्टफोन प्रयोगका कारण सबैभन्दा धेरै असर हाम्रो औंलामा पर्ने गर्छ । यसको सबैभन्दा धेरै असर कान्छी औला र बुढी औलामा पर्ने गर्छ । स्मार्टफोन मात्रै नभएर ट्याबलेट र भिडियो गेम कन्ट्रोलर का कारण पनि यस्तो हुने गर्छ ।
.gif)
यदि तपाई धेरै टाईपिङ गुर्नहुन्छ भने तपाईको औला र हातमा दुखाई हुन सक्छ । भिडियो गेम पनि लामो समयसम्म प्रयोग गर्दा हातमा दुखाई हुन सक्छ ।
यस्तै लामो समयसम्म स्मार्टफोन समाउदा पनि यस्तै हुने गर्छ । कयौपटक हातको औलामा फोनको छाप नै बसेको देख्न सकिन्छ । तपाईले फोनलाई कसरी होल्ड गर्नुहुन्छ त्यसले पनि तपाईको हातमा पार्ने असरको निर्धारण गर्ने गर्छ । लामो समयसम्म फोन समाउँदा कान्छी औला र बुढी औलामा दुखाई सुरु हुन सक्छ । यो अवस्थालाई‘स्मार्टफोन फिंगर’को नाम दिइएको छ ।
हाम्रो हात २७ वटा हड्डी,३५ वटा मांशपेशी र यसलाई जोड्ने १०० भन्दा बढी टेन्डनबाट बनेको हुन्छ । यहि टेन्डनको सहयोगले औलाहरु चलाउन सकिन्छ । कुनै पनि एकै ठाउँमा निरन्तर दबाव पर्दा यी टेन्डरहरु तथा मांसपेशीहरुमा धेरै नै असर पर्ने गर्छ ।
निरन्तर बढीरहेको स्मार्टफोनको आकार र तौलले पनि यो समस्यालाई थप बल पुर्याईरहेको छ । पहिले–पहिले मोबाइल फोनहरु साना र कम तौलका हुन्थे । तर अहिले फोनको आकार र तौल वृद्धि भईरहेको छ । जसबाट हातमा थप दबाव परिरहेको छ ।
.png)
.jpg)
.gif)
.gif)
.gif)
